¹ ಯೇಸು ಈ ವೋಕುಲಾತ್ತೆಯಿ ಸೋನ್ನಿ ಪರಲೋಕತ ಜಾಯಿ ಕನ್ನುಪೆಚ್ಚಿ ತೊಪುನೇ,ಇಪ್ಪೋರು ಗಳಿಗಿ ವಂದಿದು;ನಿಮ್ ಮವ್ವುನತ್ತೆಯಿ ಮಹಿಮೆ ಪಡಿಸು ; ಅಪ್ಪೋರು ನಿಮ್ ಮವ್ವುನು ನಿನ್ನ ಮಹಿಮೆ ಪಡುಸುರುಕು ಅಕ್ಕುದು, ² ನೀನು ಅತನುಕು ಎತ್ತೆತ್ತ ಕುಡಿತಿರಯೋ ಅಯಿಲಿಕಿ ಆತನು ನಿತ್ಯಜೀವತ ಕುಡ್ಕುರುದಿಂಡು ಅತನುಕು ಅದ್ದಿ ಮಣುಸುರು ಮೆನಿ ಅದಿಕಾರತ ಕುಡಿತಿರ. ³ ಒಂಡೇ ಸತ್ಯದವ್ವುರಾಯಿಕ್ಕಿರ ನಿನ್ನತ್ತೆಯೂ ನೀನು ಅಂಪಿಕ್ಕಿರ ಯೇಸು ಕ್ರಿಸ್ತನತ್ತೆಯೂ ಅಯಿಗ್ಯ ತಿಲ್ಜುಗುರಾದೆ ನಿತ್ಯಜೀವ ⁴ ನಾನು ನಿನ್ನತ್ತೆಯಿ ಭುಮಿಮೆನಿ ಮಹಿಮೆ ಪಡಿಸಿರೆ ; ನೀನು ನನ್ಕು ತಂದ ಪನಿಯತ್ತೆಯಿ ನಾನು ಮುಗಿಸಿರೆ ; ⁵ ಓ ತೊಪುನೇ,ಹಿನಾಗೆ ಲೋಕ ಇಕ್ಕಿರತ್ತಕ್ಕಿಂತ ಮುನ್ನೆ ನಿನ್ನಂಟಿ ನನಕ್ಕಿಂದ ಮಹಿಮೆಯಿಂಡು ನೀನು ಸ್ವತಹ ಮಹಿಮೆ ಪಡುಸು, ⁶ ಲೋಕತ್ಕೊರಿಂಡು ನೀನು ನನ್ಕು ತಂದಿಕ್ಕಿರ ಮಣುಸುರುಕು ನಾನು ನಿಟ ಪೆರತ್ತೆಯಿ ಪ್ರತಕ್ಷ್ಯಪಡಿಸಿರೆ , ಅಯಿಗ್ಯ ನಿನ್ನಯ್ಯ ಅಯ್ಯಿನೂ ; ನೀನು ಅಯಿಲಾತ್ತೆಯಿ ನನ್ಕು ತಂದಿರ;ಇದಲ್ಲದೆ ಅಯಿಗ್ಯ ನಿಟ ವಾಕ್ಯಲಾ ಕೈಗೊಂಡಿನು ⁷ ನೀನು ನನ್ಕು ತಂದಿಕ್ಕಿರಾದ್ದಿನು ನಿಟಾದೇ ಇಂಡು ಇಪ್ಪೋರು ಅಯಿಗ್ಯ ತಿಲ್ಜುಗೊಂಡಿನು , ⁸ ನೀನು ನನ್ಕು ತಂದ ವಾಕ್ಯಲಾ ನಾನು ಇಯಿಲಿಕಿ ಕುಡ್ತಿರೆ ಇಯಿಗ್ಯ ಅಯಿಲಾತ್ತೆಯಿ ಅಂಗಿಕರಿಸಿನು ; ನಾನು ನಿನ್ನಜಾಯಿಂಡೆ ವಂದಿರೆಯಿಂಡು ನಿಶ್ಚಯವಾಯಿ ತಿಲ್ಜು ನಿನ್ನೆ ನನ್ನ ಅಂಪಿರಯಿಂಡು ನಂಬಿನು, ⁹ ನಾನು ಅಯಿಲಿಕೊಸ್ಕರ ಕೋಟುಗಾರೆ ; ನೀನು ನನ್ಕು ತಂದಯಿಲಿಕೊಸ್ಕರನೆ ಹೊರತು ನಾನು ಈ ಲೋಕತ್ಕೊಸ್ಕರ ಕೋಟುಗುಮಾಟೆ ; ಯಂತಿಗಿಂಡೆಕೆ ಅಯಿಗ್ಯ ನಿನ್ನಯ್ಯ , ¹⁰ ನನ್ನಯ್ಯದ್ದಿನು ನಿನ್ನಯ್ಯಲೇ;ನಿನ್ನಯ್ಯದ್ದಿನು ನನ್ನಯ್ಯಲೇ;ಅಯಿಲಿಕೊರು ಮಹಿಮೆ ಪಟ್ಟಿರೆ, ¹¹ ಇನ್ನುಮೆನಿ ನಾನು ಲೋಕತ್ಕೊರು ಇಕ್ಕಿಮಾಟೆ;ಅನೇಕೆ ಇಯಿಗ್ಯ ಲೋಕತ್ಕೊರಿನು ; ನಾನು ನಿನ್ನಂಚುಗು ವರ್ರೆ ; ನಂಬರು ಒಂಡಾಯ್ಯಿ ಇಕ್ಕಿರಕನಿ, ಇಯಿಲಿನು ಒಂಡಾಯಿ ಇಕ್ಕಿರುಕನಿ ನೀನು ನನ್ಕು ತಂದಿಕ್ಕಿರ ಇಯಿಲಾತ್ತೆಯಿ ನಿಟ ಸ್ವಂತ ಪೆರುಕೊರು ಕಾಪಾಡು, ¹² ನಾನು ಇಯಿಲಾಂಟಿ ಲೋಕತ್ಕೊರಿಂದಪ್ಪೋರು ನಿಟ ಪೆರುಮೆನಿ ಇಯಿಲಾತ್ತೆಯಿ ಕಾಪಡಿರೆ;ನೀನು ನನ್ಕು ತಂದಯಲ್ಯ ನಾನು ಕಪಾಡಿರೆ ವರ್ಜ್ಜಿಕ್ಕಿರ ಪ್ರಕಾರ ಆ ನಾಶನತ ಮವ್ವುನೆ ಹೊರತು ಅಯಿಲಿಕೊರು ಒಂಡುನು ನಾಶವಾಗುಲ್ಲ, ¹³ ಇಪ್ಪೋರು ನಾನು ನಿನ್ನಂಚುಗು ವರ್ರೆ ನಟ ಆನಂದ ಅಯಿಲಿಕೊರು ಈಡೆರುಕನಿ ನಾನು ಲೋಕತ್ಕೊರು ಈ ವಿಷಯಲಾ ವಸೆತ್ತಾರೆ, ¹⁴ ನಾನು ನಿಟ ವಾಕ್ಯಲಾ ಅಯಿಲಿಕಿ ಕುಡ್ತಿರೆ ನಾನು ಲೋಕತವನಲ್ಲದ ಪ್ರಕಾರ ಅಯಿಲೂ ಲೋಕತಯ್ಯ ಅಲ್ಲವಾಯಿಕ್ಕರತಿಂಡು ಲೋಕ ಅಯಿಲಾತ್ತೆಯಿ ದ್ವೇಷ ಸೇಂದಿದು ¹⁵ ನೀನು ಅಯಿಲಾತ್ತೆಯಿ ಲೋಕತಿಂಡು ವಂಗುರುದಿಂಡು ಅಲ್ಲ; ಅಯಿಲಾತ್ತೆಯಿ ಕೇಡಿನಿಂಡು ಕಾಪಾಡುರುದಿಂಡು ನಾನು ಕೊಟುಗಾರೆ, ¹⁶ ನಾನು ಲೋಕದವನಲ್ಲದೆ ಇರುವಂತೆ ಇವರೂ ಲೋಕದವರಲ್ಲ. ¹⁷ ನಿಟ ಸತ್ಯತಿಂಡು ಅಯಿಲಾತ್ತೆಯಿ ಪ್ರತಿಷ್ಠೆಪಡಿಸು;ನಿಟ ವಾಕ್ಯನೆ ಸತ್ಯ , ¹⁸ ನೀನು ನನ್ನತ್ತೆಯಿ ಲೋಕತುಲ್ಲಿಕಿ ಅಂಪುನುಕನಿ ನಾನು ಸಹ ಅಯಿಲಾತ್ತೆಯಿ ಲೋಕತ್ಕೊಕು ಅಂಪಿರೆ, ¹⁹ ಅಯಿಗ್ಯ ಸತ್ಯತ್ಕೊಕು ಪ್ರತಿಷ್ಟಸಲ್ಪಡುರುಕನಿ ನಾನು ನನ್ನತ್ತೆಯಿ ಅಯಿಲಿಕೊಸ್ಕರ ಪ್ರತಿಷ್ಠಿಸಿಗ್ಯರೆ ²⁰ ಅನೇಕೆ ಇಯಿಲಿಕೊಸ್ಕರ ಮಾತ್ರವಲ್ಲದೆ ಇಯಿಲಾತ ವಾಕ್ಯತಿಂಡು ನನ್ಮೆನಿ ನಂಬಿಕೆ ಅಕ್ಕಿರಯಲಿಕೊಸ್ಕರನೂ ಕೊಟುಗಾರೆ, ²¹ ಇದಲ್ಲದೆ ಅಯಿಗ್ಯದ್ದಿನು ನಂಬುರುಕೊರು ಒಂಡಾಗುರುದಿಂಡುನೂ ನೀನು ನನ್ನತ್ತೆಯಿ ಅಂಪಿರಯಿಂಡು ಲೋಕ ನನ್ನತ್ತೆಯಿ ನಂಬುರುಕನಿನೂ ತೋಪುಯಿಕ್ಕಿರ ನೀನು ನನ್ನುಕೊರು,ನಾನು ನಿನ್ನಕೊರು ಇಕ್ಕಿರಕನಿ ಇಯಿಲು ಸಹ ನಂಬುರುಕೊರು ಒಂಡಾಯ್ಯಿ ಇಕ್ಕಿರಕನಿ ಕೊಟುಗಾರೆ. ²² ನಂಬುರು ಒಂಡಾಯಿ ಇಕ್ಕಿರಕನಿ ಇಯಿಲೂ ಒಂಡಾಯಿ ಇಕ್ಕಿರಂತೆ ನೀನು ನನ್ಕು ತಂದಿಕ್ಕಿರ ಮಹಿಮೆಯತ್ತೆಯಿ ನಾನು ಇಯಿಲಿಕಿ ಕುಡ್ತಿರೆ , ²³ ನಾನು ಇಯಿಲಿಕೊರುನು ನಾನು ನಿನ್ನುಕೊರುನು (ಇಕ್ಕಿರಕನಿ )ಅಯಿಗ್ಯ ಒಂಡಾಯ್ಯಿ ಪರಿಪೂರ್ಣರಾಕ್ಕುನು;ನೀನು ನನ್ನ ಅಂಪಿರಯಿಂಡು ನನ್ನತ್ತೆಯಿ ಪ್ರೀತಿ ಸೆಂದುಕನಿ ಅಯಿಲಿನು ಪ್ರೀತಿ ಸೇಂದಿರ ಇಂಡು ಲೋಕ ತಿಲ್ಜುಗಾದು. ²⁴ ತೋಪುನೇ,ನೀನು ನನ್ಕು ತಂದಿಕ್ಕಿರ ಮಹಿಮೆಯತ್ತೆಯಿ ನೀನು ನನ್ಕು ತಂದಿಕ್ಕಿರಯಲು ಸಹ ಪಕುರುಕನಿನೂ ನಾನು ಇಕ್ಕಿರದಾಟ್ಲಿ ಅಯಿಲು ನನ್ನಂಟಿ ಇಕ್ಕಿರಿಕನಿನೂ ನಾನು ಇಚೈಸರೆ , ಜಗತ್ ಉತ್ಪತ್ತಿಕು ಮುನ್ನೆ ನೀನು ನನ್ನ ಪ್ರಿತಿಸಿರ. ²⁵ ಓ ನಿತಿಯುಳ್ಳ ತೋಪುನೇ , ಲೋಕ ನಿನ್ನ ತಿಲ್ಜುಗುಲ್ಲ ; ಅನೇಕೆ ನಾನು ನಿನ್ನ ತಿಲ್ಜುಗೊಂಡಿರೆ ನೀನೆ ನನ್ನತ್ತೆಯಿ ಅಂಪಿರಯಿಂಡು ಇಯಿಗ್ಯ ತಿಲ್ಜುಗೊಂಡಿನು ²⁶ ನೀನು ನನ್ನತ್ತೆಯಿ ಪ್ರಿತಿಸಿಕ್ಕಿರ ಪ್ರೀತಿಯು ಇಯಿಲಿಕೊರು ಇಕ್ಕಿರದಿಂಡು ನಾನು ಅಯಿಲಿಕೊರು ಇಕ್ಕಿರಿದಿಂಡು ನಾನು ನಿಟ ಪೆರತ್ತೆಯಿ ಪ್ರಕಟಿಸಿರೆ; ಇನ್ನು ಪ್ರಕಟಿಸಾರೆ ಇಂಡಸ್,