¹ ಪರಿಶುದ್ಧಲಗೋಸ್ಕರ ಪನ್ನು ಪೆಚ್ ರ ವಿಷಯತ್ಕುರು ಗಲ್ಯಾತ ಸಭೆಕಿ ? ನಾನು ಅಪ್ಪಣೆ ಸೇದ್ಕಾದಿ ನಿಂಗುಲ್ನು ಸೈಯಾಂಗೋ ² ನಾನು ವಂದಪೋದು ಕೂಡಿಸ್ರದು ಇಂಗೇ ದೌರು ಅಭಿವೃದ್ಧಿಸಿಗ್ರ ತರಹ ವಾರೆತ್ತ ಮೊದಲನೇ ವಾರತ್ಗುರು ನಿಂಗುಲ್ಕುರು ಪ್ರತಿಯೊಂಡಲು ತಾಟ್ಟು ಹತ್ತಿರ ಕೂಂಡಿಹಂಚ್ ಗೊಟ್ಟು. ³ ನಿಂಗ ಧರಳವಾಯಿ ಕೊಟ್ಟತ ಯರೂಸಲೇಮಿಕಿ ಅತ್ಗೊಂಡು ಹೋಗುರ್ಕಾನಿ ನಿಂಗ ನಿಂಟ್ಟು ಪತ್ರತಿಂಡು ಎತ್ತತ್ತೇಯ ಯೋಗ್ಯರಿಂಡು ಸೂಚಿಸರಾಂಗ್ಲೋ ಅತತೇಯ ನಾಂಗ ಅಂಪರೋ ⁴ ನಾನು ಹೊಗ್ರಾ೦ದು ನಾಲ್ಲದಾಯಿ ಕಂಡೇಕೆ ಅಗ್ಯ ನಾಟ್ಟು ಜೊತೆಕುರು ಹೋಗ್ಬಹುದು. ⁵ ನಾನು ಮೆಕೆದೊನ್ಯನ ಹಾದು ಹೋಗ್ ರಪೋದು ನಿಂಗ್ ಲಾಚುಗೂವರೋ ಎತ್ಗಿಂಡೇಕೆ ನಾನು ನಾನು ಮೆಕೆದೊನ್ಯನ ಹಾದು ಹೋಗಲೇಬೇಕು ⁶ ನಿಂಗುಲ್ಕುರುಯಿಂದು ಹಿಮಕಾಲವನ್ನೋ ಕಳಚಿಅಪೋದು ನಾನು ಹೋಗುರ್ ಬೇಕಾನ್ನ ಸ್ಥಳತ್ಗು ನಿಂಗ ನನ್ನ ಆಂಪ್ ಬೋದು. ⁷ ಇಪೋದು ನಾನ ಪ್ರಮಾಣತ್ಕುರು ನಿಂಗುಲ್ನ ಪಾಕ್ಕುರ್ಕು ಇಷ್ಟೇಯಿಲ್ಲ ಕರ್ತನ ಅಪ್ಪಣೆಯನೇಕೆ ನಾನು ನಿಗೂಲ್ಜೋತೆ ಸ್ವಲ್ಪ ಕಾಲ ಇಕುರ್ಕು ನಿರೀಕ್ಷಿಸಿ ಸೈಯಾರೇ ⁸ ಪಂಚತ್ತಾಮ ದಿನತಂಕ ನಾನು ಎಫೆಸತ್ಕುರು ಇಕರೇ ⁹ ಕಾರ್ಯಸಾದಕವಾನ ಬೇರುದೊಂದು ವಾಸ್ಲು ನಾಂಕೂಸ್ಕರ ವಂಗೀದು ಅನೇಕೆ ವಿರೋದಿಗ್ಯ ಈನು. ¹⁰ ತಿಮೊಥಿಯ ವಂದೇಕೆ ಅದು ನಿಂಗ್ಲಂಚಲ್ಲಿ ಭಯಯಿಲ್ಲದೇ ಇಕ್ರಾಕಾನಿ ಪತ್ಗೂಂಡು ನಾನ್ಕಾನಿ ಅದು ಕರ್ತನ ಪಾನಿನ ಸೈಯಾಕು ¹¹ ಹೇದು ಅತಾತ್ತೇಯ ಹೀನೈಸಬಾರ್ದು ಅದು ನನಂಚುಗುವರ್ಕಾನಿ ಸಮಾಧಾನತಿಂಡು ಅಪೊಂಗೋ ಅದು ಸಹೋದರರ ಜೊತೆ ವರತ್ತ ನಾನು ಎದುರು ಪಕಾರೇ ¹² ಸಹೋದರಾರೇ ಅಪೋಲ್ಲಸತ್ತ ಸಹೋದರರೆಂಟಿ ನಿಂಗುಲಂಚುಗೂ ಹೋಗುರ್ದುಯಿಂಡು ನಾನು ಶ್ಯಾನ ಇಷ್ಟಪಟ್ಟಿ ಅನೇಕೆ ಇಪೋದು ವಕುರ್ಕು ಅತ್ಗು ಸ್ವಲ್ಪನ್ನು ಮನಸ್ಸಿಕಿಲ್ಲ ಅನುಕೂಲವಾನ ಸಮಯ ಸಿಕ್ಕನಪೋದು ವರಾಕು. ¹³ ಎಚ್ಚರವಾಯಿರೋ೦ಗೋ ಕ್ರಿಸ್ತನ ನಂಬಿಕೆಕುರು ಧ್ರಡವಾಯಿನಿಲ್ಲಂಗೋ ¹⁴ ನಿಂಗ ಸೈರಾತ್ತತೇಯ ಪ್ರೀತಿಯಿಂಡು ಸೈಯಾಂಗೋ. ¹⁵ ಸೇಫನನ ಊಟಗ್ಯ ಅಕಾಯನ ಪ್ರಥಮಫಲಯಿಂಡು ಅಗ್ಯ ಪರಿಶುದ್ಧ ಸೇವೆಕುರು ¹⁶ ತಾಂಗೂಲ್ನ ಒಪ್ಪಿಸಿಕೊಡ್ತಿಂದುಯಿಂಡು ಅಗ್ಯ ಪರಿಶುದ್ಧ ಸೇವೆಕುರು ತಾಂಗೂಲ್ನ ಒಪ್ಪಿಸಿಕೊಡ್ತಿ೦ದುಯಿಂಡು ನಿಂಗುಲ್ನು ತಿಳಿಜಿದು ¹⁷ ಸೇಫನನ್ನು ಪೋರ್ತುನಾತನೂ ಅಖಾಯಿಕನೂ ವಂದತಿಂಡು ನಂಕು ಸಂತೋಷವಾಸು ನಿಂಗ ಇಲ್ಲದೆಯಿಗ್ರತಿಂಡು ಉಂಟಾನ ಕೂರತೆಯನ್ನ ಅಗ್ಯ ನೀಗಿಸ್ಸ್ ಸ್ನು ¹⁸ ಅಗ್ಯ ನಾಟ್ಟು ಅತ್ಮನ ನಿಂಗ್ಟು ಅತ್ಮನ್ನ ಉಪಶಮನ ಸೆಂಚ್ನು ಇಂಥಲ್ಯನ್ನ ಸನ್ಮಾನುಸಾಂಗೂ. ¹⁹ ಅಸ್ಯ ಸಭೆತಗ್ಯ ನಿಂಗುಲ್ನು ವಂದನೆ ಸೋನಾಕ್ಕು ಅತ್ವಿಲನೂ ಪ್ರಿಸ್ನಿಲ್ಲಳೂ ತಾ೦ಟ್ಟು ಉಟ್ಟುಕುರು ಸೇರುರ ಸಭೆಯಲೆಂಟಿ ಕರ್ತನುಕು ವಂದನೆಯನ್ನ ಸೋನಾನೆ ²⁰ ಸಹೋದರರಾದೇಕು ನಿಂಗುಲ್ನ ವಂದಿಸಾಕ್ನು ಪವಿತ್ರವಾನ ಮುದ್ದಿಟ್ಟು ವ೦ಡಲ್ ನ್ನ ವಂಡಲ್ಲೂ ವಂದಿಸಾಂಗೋ. ²¹ ಪೌಲಯಿಗ್ರ ನಾನು ಸ್ವಂತ ಕೈಯಿಂಡು ವಂದನೆಯನ್ನ ವರ್ಜಿರೇ ²² ವಿಧಾನ ಕರ್ತನನ್ನ ಯೇಸು ಕ್ರಿಸ್ತನನ್ನ ಪ್ರೀತಿಸ್ ದೇಯಿಂದೇಕೆ ಅದು ಶಾಪಗ್ರಸ್ತನಾಗೊಟ್ಟು ಮರನಾಥ ನಾಗ್ಟು ಕರ್ತನು ವರುಕು ²³ ನಂಗ್ಟು ಕರ್ತನನ್ನ ಯೇಸು ಕ್ರಿಸ್ತನ ಕೃಪೆ ನಿಂಗ್ಲೆಟೀಯಿಕೊಟ್ಟು ²⁴ ಕ್ರಿಸ್ತ ಯೇಸುಕುರು ನಿಂಗ್ಲದೇರೆಂಟಿ ನಾಟ್ಟು ಪ್ರೀತಿಯು ಇಕೋಟು.