¹ Yakobo,moya mo Aungu na kumu Yesu-Kristo,o nao na i yele ya kekanga wane webwa na limungia,bopalia! ² Wambinawa,liti ohene lita lihe nangela hekoki na haita haiye hane hepkomi enu ³ Liwi ine wokpameli lo lundo laino lwa wota mofungi motema ⁴ Ambeke wofungi motema mwakokesi woli haitakpa,nahonde bwatomba enu woyali,so wokeni wapamba. ⁵ Omoi hate ha haino elumbi weli,olombe Aungu,emokaliambo so wo mofumboli,emokaliambo. ⁶ Ambeke elomba na lundo,so wo waho wangi,Aya owanga awai ohene feta na liwange,endenda denda na lifofela longo na longo. ⁷ Nndenge emoto oho hatakisi ine ebwa mbo hema hemoi ngi o kumi:i moto eti na lundo,(eti na )ekiola kiola ndole iyahekpa ⁸ Isi moto ine eti okoki,eti wali na ndole he kpa. ⁹ Wambi nahe eti na henanga ayale na henanga hane Aungu emolisa. ¹⁰ Moto ohomengo,ekoki ine awe na henangela sa ene emotitisia Aungu,aya etambo ohene fulele imote. ¹¹ Mwasa momoha na lumbe ohoya,yangaiso mote,fulele ya heli,wali owahe wahowa,wone moto ofalanga elimohambo na mbioilyahe. ¹² Henangela na moto one eanda motema na womekani,aya,mbuse oweti na womekani,embwambo liwokpohi wemi,line Aungu etelakele wanewe mwindi. ¹³ Moto,ono ewai na mundu, otakpome,ine Aungu nde amopima,woli Aungu etitome moto na wobe. ¹⁴ One ewai na mundu hemangine aeta mundu na holuhani hane hemangine. ¹⁵ Haluhania hebe,helwa,hewote wobe,wakela wobe,wawota wohuo. ¹⁶ Botayakose,wambina wa walundo: ¹⁷ Pasa kpa yaili na wokpohikpa wali wotitima liolo,ngi koka ongai,ngahe etina we tangani so ngudu ewokiohi. ¹⁸ Ewoti esu na kamo elehe,na liohi li sembo,litine towe ohene wika lamu wifelo ehili he ¹⁹ Liwe ine,wambinalwa wa lundo,naune,motopha fafolo na wokwe,atakpome kpome,atoise na waango ²⁰ Wago wo moto wo tikokisa wali wo Aungu. ²¹ Natina ine,feti haita habe na wofota wotisise,hili na wali liohi nane honi ngaino,hekoka wumesi nelino emaino. ²² Isia na mesala hahi,otatiole na wakwe,na woyakosa enuna ngene na haluhania habe, ²³ Lita,e moto ekwa liohi etisia na lisala,ewai ohene moto one elita wosio na talatala, ²⁴ Nahe,mbuse oyaliti,oya,alenda mbalemoi ndenge ewai he. ²⁵ Ambeke ono isia haiso na ngele ene ewai wali,ngele ewasomi,na atiala aho liwela,eti ono ekwa na alenda,aisa na hasolo he ewambo na monangela na hane la hahe. ²⁶ One eindi awe mwemaleli,eti ti lolame,okosa motema o mahe,mwemeleli mo moto oho mwi ngia. ²⁷ Mwemeleli mwali moti na litohi,felo e Aungu kaka ohoiso,iwai wohe woliti wane wane weheli wa kaka a wa iya na wa iya wane wehueli wolome hate ha hohwa owaho,na woyabateli na hasala habe ha mohili.