¹ Polo,moyekoli,etisi longo i waito,eti kamu longo lo moto,eisi nde longo lo Yesu muimisi na Au ngu o lowola,qumesa waito wane bewi. ² Na baenganena kpa wane beisi na ngo, na hasambo i Galati: ³ Ine Pasa na hayi, ya ka lenele ino ngi Aungu olowola na kamu mumisi Yesu Kristo. ⁴ Eyakali he mangine lita li wobe eleiso,lita li wohili esu na hekeke ene i wobe,na woliti kamo i Aungu na kaka ⁵ Awe na woyasesi hekeka na hekeka!wayo Ame. ⁶ Ne kamwa ine bwaya mwamba ohoya na moto ono eheti enu na pasa i muimisi, lita libo eti na mboli ndjali. ⁷ Eti lita limboli ndjali isiha,lita eisi na waito wasiha betungisa enu,beundi wokpioli mbolindje i mumisi. ⁸ Lita, esu mangine,lita azelu eliolo ekpoma mboli ndjali esika woloteli ene esu tofalesi,iwa mbo moto ilita esiha! ⁹ Tokpomi imo felo,ne ulela isiha na hekeke hene,aya moto omoi akpomele enu mboli ndjali esiha etiwulani ne ne ba hili, bota hiliimo na litomba lita lineetisi liohi. ¹⁰ Sikene,eisi pasa,iwaito nde no okwali, na ine i Aungu ? Ne kpalana nde wonangelesi waito aya ne nangelesa waito,neti wambo moto i Kristo ¹¹ Na kpomela enu,baonganena,lita mboli ndjali ene ikpomoni nango itisi ine i moto. ¹² Lita line neti hili,neti wokohi na moto,eisihemoniseli he Yesu mumesi. ¹³ Bolihi,lita,ewa boendi elei na me sala me wa Yuda,ndenge awai ngo na winoli na mbele he Aungu. ¹⁴ Na ndenge ewai ngo liolo na mesala me me wa Yuda wolotoli waitowane toisi nawo helanga ime na hekolo elei,boendesomi na haluhanawobe ohoya lita li wokpioli wa kaka elie ¹⁵ Lita,moto one eisi ngo na anda e inena elei,aheta kamu ngo na pasa elehe. ¹⁶ Boeneseli ngo mongo elehe,lita line ne enesele ho waito wane betundi osambeli,sikene,netilita mbo lisiha moniho na ngelo ¹⁷ Lisiha neti lila mbo na Yelusaleme isengani i waito wane bawayi Meyekoli felo ilei,lita ne yambona alombi mbuse emelo ne uho mbolisiha isengani i Domasi. ¹⁸ Helanga hesaso na mbuse ,na likina Yelusalemelita li holiwi lisiha sefasi, ne keli kamu Haose loho na homoi isengani elehe. ¹⁹ Netiliwi moyekoli sominga imoi,kpo Zake, mwenga nena i mumisi. ²⁰ Na ndenge hene nesihela enu,lita ,felo i Aungu,ndi kpoma moloho. ²¹ Neesi lisiha longo lo sili na silisi. ²² Lita,netiliwini wosio lisiha na mbele i Yuda ine iwayi na Kristo. ²³ kpo,hokoi bakpoma: moto one ewayi felo boemaleli esu ahenesa winoli hone ewayi hoyakali lita line osengesi. ²⁴ Na kamu eyasesa Aungu na moto elei.