¹ Enu wana, waoteni baise awaihino hate ha moumesi lita ine yo isi solo. ² Temia ise ohoho kamu inena ohoho iyo linaho lifelo isi na hesemba ine . ³ Woyo yawe na ohe wali ine oumohe na heu hekekani ohesa ⁴ Enu wa ise kamu botokwesi wana waino wango, boyo botuesi wo na hanaho kamu na moyameli wo moumesi. ⁵ Enu meya,bokwe wane biisi wangino awaino lita ine lindoto,na wotemi kamu na wingelani na motema omaino motisehani heta ndenge emoi ngi Klisto. ⁶ Bokele naitemia naweneni heta etiekela waito,heta kamu meya me Klisto,wokeli hahwa ha Aungu okoi na motema. ⁷ Bokele nalusa wali heta ndenge omoi ngi moumesi ssoo ngi waito. ⁸ Aho eliwi enu ine moto na moto ono etonga wali ebwao lisiha kowa ngi moumesi aya he moya,he kumi. ⁹ Enu waito hafi,wokelele wo woyo,emesi mehendo,oho eliwi enu ine mangine omelo kamu ohoino ewai hate elo djolo kamu elo ngahe moliti hasio etiaho ¹⁰ Na tunga boya komelesi hate ha moumesi kamu na okpamu na luili olahe. ¹¹ Wotele tulu otuhu ehesingila he Aungu ine boliwe wemali felo na weli naone wobe ¹² Lita towai wonanui na moniho kamu soo na ngelo, kasina tosingani tohesisi kamu na luili kamu na wokondja ho mohili mone mohotiho,kamu na mwendo mobe hate ha djolo. ¹³ Lita ine,bohili motoli omaino mahesingila mo Aungu ine boliwe oyemali na ose obe kamu mbuse ewokeli yo kpa , wemali kakau. ¹⁴ Boyo boyemali na kpele eyandani na solo kamu na wotoli wali heta hema he luili he hetetele. ¹⁵ Kamu okohi mwamba mo sapato na mele heta wa toma wa mboli ihia. ¹⁶ Nayo kpa bohile enaneno he winoli,na yo botikoki olumesi ikeke yo kpa na moto ono obe. ¹⁷ Botole likonao wume kamu helia he mwenda,yo liohi liAungu. ¹⁸ Na holomba ohatuhu kamu nabolombi,walombi,hekekani hio kpa hate ha mwenda .lita limelo bokowe na ilo na luili oho tuhu kamu wolombe lita ine na wainoli wo kpa, ¹⁹ Kamu lita ila heta ine nebwe liohi yiumani aho edjole ngo mowalita lionahi na luili na hitamelo hemboli ndjali. ²⁰ Ine ngo nisi toma o monyololo lita limelo,ine nekpome na mohala heta iumani na ngo okpomi. ²¹ Kamu na tukiko,mwenga nena ohoi moumesi na luili laloliwese ngo enu haita ohotuhu ine bhe oliwe haitaha. ²² Natoma he ngaino lita ine boliwi ndenge ewai esu kamu ine aise mitema emainopi ²³ Hai halue na waengenga kamu loundo lwa kongani na winoli kowa na Aungu kaka kamu na moumisi yesu Klisto. ²⁴ Pasa ahwe nawo o watuhu biundi moumesi omaiso Yesu Klisto na loundo loti hwambo.