¹ Baenganena,enu wangine bolilu wali ine ane tolui esu ngai, totikeli lisala li pamba, ² Bokwi ndenge ene beenesi esu mundu na beeseki esu na mwenge mo Filipe. hatende Aungu o hoiso ekali esu mohala mo okpomeli mboli ndjali yahe ngaino na Tesalonisia,somi nga mundu molotoli ³ Lita line ane ekpomela esu waito,totikpomana molaho,totikpomana na metema mele,toti kpalala kamu bokpami na moloho. ⁴ Kamu totutani kpo ndenge eundi Aungu aise esu wakpomele wa mboli ndjali,lita aena ine to wai waito wane beyali.tokpomela na lina elehe, toti kpala na bonanngesi waito kamu Aungu one elui etema elaiso. ⁵ Boliwi ine ose somi nga emoi totitekpoma haoi ha suksli,totikpalana kamu kumi eleiso Aungu eliwi huyo! ⁶ Toti kpala mofeto ngi waito,yahue ngaino to waito wa sia. ⁷ Ewai esu wa toma wa Klisto,tokoki holombi enu botele esu,kasi towai na hai hote ha aino, ndenge inena eleiso he na okomana he wane wahe. ⁸ Toti kpali boluili ene kpo mboli ndjali i Aungu,kaasi towi na kamu i okali enu umi lita ine toundi enu kpo ho ya. ⁹ Baenganena,boluani ndenge ewai esu na hate eleino na mohala na boeni mundu na lisala nngaino.Ane ewai esu bokpomeli mboli ndjali i Aungu,to wai to kpomela hotio na mwasa lita moto sominga emoina hate laino atatole boluhu eleiso. ¹⁰ Enu,boliwi, Aungu kamu eliwi:luendo laiso hate haino boinoli luendo lomelo lo waito wane be ngia na wosembo na haiso ha waito kpa. ¹¹ Boliwi ine towai na monua momoi na enu,ndenge kaka ewa nna wana a wahe. ¹² Hose kpa towai tolendisa enu na mohala lita ine bohe na hasala hane ewai wali na haiso ha Aungu,lita ene he moto eti enu lita bobwe mefeto na mwinge e omohe. ¹³ Baennganena, Tokalia Aungu melesi ekeka kpandenge boinoli enu haita hane hekpomelisi esu hate haino.boti inoli ho ohene haoi ha waito,na ndengepenza hoohi laa Aungu,lita hekela lisala na metema emaino waito wane bunoli. ¹⁴ Na wiyo botutania ndole e waito wa Eklesia i Aungu na isenga imoi na Klistoo moumesi ono ewai na ndole e Yudea waito wa mwenge eliano be bandi boenesi enu mundu ndenge emoi ba Yuda be tenesa bondimi wa felo mundu ngoo. ¹⁵ Ewai ho haito betehola kolo moumesi, ndenge omoi betehohoa ba sakoli, beenesa esu mundu ndenge emoi. betinangesa Aungu, na mofela na waito kpa. ¹⁶ Bekpalana bofeleli esu hondi ngi waito wa menge ne sia lita totolele ho mboli ndjali ine umesa mbo ho. Na molende emolo,wobe owayo hawai boholi.kamu wango wa Aungu wahelelao. ¹⁷ Bounganena,totiani enu ekeka kolo,kasi metema emaiso mewai na kamu elei no ohoya,kamu tokpalani ndole kpa lita toenane lisia. ¹⁸ I wiyo,toundi bouli na hate elino,Ngo Polo nekpalani okdeli huyo ekeka kpa,kasi moto mbe ewai efetela esu. ¹⁹ Na tina ine lita limbi toisa esu metema ngai Aungu?eti lita eleino? Enu bowai henangela na mofeto maiso ,kamu he kaka hene kolo ehoiso yesu Klisto eula mbo he, enu waito bowambo na haiso hahe ohene lifita line lienesa ine tomoundi. ²⁰ I wiyo,enu bokali esu henangela na mofeto!