¹ Imi to, kudio odiosi kaadruanye noodioï Angeandre, ² kudio ba ambruedra esi n'Angeadjoane aabiába kobubila nuundjanga, kodioka niïto, iïgbugi, kobu ne seè at'apapi, ne see at'eepi, nembrembru. ³ Kodio ba andro a ma mogé kiïmbe anyeepi, kuundronye mumbe, kamguudionye mbee ngboo, kangowonye mbee atawà, kaado esiame mombe, ⁴ suato kaado engwado kaa koomu mandraanè bu anyandra, ⁵ kobu nebiï, kangodrue mbee amasiodió, kokpa ekazisi nedjoanè, mumbe, ba keerua amasisi banyene suato nodioï Angea banè nanginvondrembee. ⁶ Kuugege bu egbama kobu nebiï; ⁷ Koguo mito esiame mombe esi kodrua nè, ba nuwa kaa amafundisho mabogoo, mombe, ⁸ nekoro mombe, neyi ketika nè, si namasumbe nangobumbee nodio dede odio maa nè. ⁹ Kuuguge ebweni koga ekùmusi banyene, koomuè atodio ndubu, kangaasinye to mbee bodio; ¹⁰ kangegu mbee, too kaado etuè ndubu noomu mabogoo si noobruo nodioï Angea banè neyi iïrabruma nè. ¹¹ Si nembaï, bu nomeeï Angea banè aabrodondre atobà ndubu; ¹² anaadàma ameti odio dede, noomuï neepiandre, bu odiosi napeàne; ba madriá atokinisi at'ombombi, nuukweli bu neeru; ¹³ idri manvaï nekumu bu nekekuï nombi kpokpoandre Angea bu Yesu-kristu iïrabruàma nè; ¹⁴ Neyi owandre aamaetó nè, biïra Aama atiïto, besia aama ebasi bandrene buùb'aama atodio mombe. ¹⁵ Kudio odiosi, kaadoè nookùmu pite, nombi nangoguo mi mbee sikpa.