¹ kisha ekaranga kumba bu sosua(14 ans) miikebru nemarakue inu to Yerusaleme bu Barnabas, bamadruabru bu Tito bamaya bane; ² esibrundre kisha neédà kana badri miikebruine. Ba miùuebru kaa nodio Angea bane mabruaado atobasi kabruapika nè, mabruado atobá mabogoo esi nebà ne, suato mangofo mbeé engo ao mafobru engo sikpa. ³ Too Tito, ineï abru maro ne abru ne Greke kabrunesi bu bà kofo ne nuútú. ⁴ nene pite, atamiibà ada esi koosebrunye aamaeto nè, ba koti nodio mombe mabruno Yesu-Kristuto ne, konde ba kodruatoama ebuani banyene. ⁵ Kabruamaba kaa bu piido ba metibru nodio banyene, si miitabru ba amawo aamieto nodioamombe. ⁶ Esiketua eto anyiisu ne ba kebà kpokpo, pitesi kabru taa nè, kaïtomaro bambee : Angea uùrikombi atangbatara, esi kabruoguoè amekpokpo nè kabrumaga odiósi banyene. ⁷ Pitesi nodio Angeandre awobrundremo atobási kakofonye nuútú nè, pitesi Petro atosi kabruofo è nè, ⁸ si nombiï esibru ba Petro nobù nemolombi neyi esi kabruofo nuútú, ima nemolombi neyi ebasi kakapineanye nè, ⁹ atoti nembaï awobrundre mato, Jake, Céphas bu Yoane esi kapitesi ne nguzu; bawobrumo, bu Barnabas ete si nasaasuandre, ba aama amyo atobasi kakapi nè, ba ïè koyo atobasi kabruofoène. ¹⁰ Opkabruama ba amaambapa kaïero bedu nè, aneyi besibru mabogoo nè. ¹¹ Tongani Céphas oopubruto t'Antioche ne, metibru nodio bandrene atonwosi ebanye, si ebruesi maadá, ¹² suato, kisekee ba ebasi Jake okpabru koopu idje ne, abruanyo oobasi kabruapipika ne, idri koopuahi ne, boodjandre abruanyokabó ero, naakeeru neyi ebasi Jake okpabru ne anye. ¹³ Siipi nero ebaYuda kuhè bakoodjebrunye obuade Barnabas bodruebru nodiadá banyene. ¹⁴ Bamaguobru ba abruoyika mumbe atodio Angea bane, bamadià Céphas ko, mbeleyi eba pite anye : Idri imiyi na ne Yuda nè, nanukpandru pitesi nombiï kaapine, kaba pitesi amuYuda kuúbuà ne, nudia basi atosi kayihè amuYuda ne kokpanye pitesi e Yuda ? ¹⁵ Aama me Yuda atohì, kaba pitesi nezambiombi atomeruï ebasi kakapineanye. ¹⁶ Anuti ba kaba atesiame esi amibekoanye aneyi nombi iïtiatondre ba anombi mombe ne, too atapapi Yesu-Kristu, aama siiso mapibru Yesu-Kristu suato amabú ebà mombe kaba atokpame esi amibekoamye, si kayi neepindri kotiba ba amumbe atokpa neti amibekoanye ne. ¹⁷ Too, obuaba manumanda ba amabú ebà mombe Kristu to, idru kaambruama ezambiï, Kristu amabú ezambiï ? Ata bu piïdo ! ¹⁸ Obuaba maatu nobù nedjoyi muukibrusima nè, eeguandre ba ima sizindre meshimiyaka a mibeko, ¹⁹ Suato, atamibeko aneyi manzibru to atamibeko nè, ba mara Angea to. ²⁰ Ketubruma togbagba bu Kristu, pitesi manu mara nè, mara kabó ba mà, Kristu anoraa ne màto; pitesi manu mara sigadri ateepi ne, manu mara atapapi atongwa Angea bane, oomubru ma, bowobrundre mató ne. ²¹ Kameti nembaï Angea bane, suato obuaba eba koopupua eba mombe si keerurua a mibeko ne, nonzi Kristu bane abru sikpa.