1 Nombi toka ato Gaïus, miïba moomua mabogoo nè, 2 miïba, mania Angea narimi nubukpara pitesi andruïsu inu Angea ba. ³ manga naakiidjadja miibaè koopu ngaï bakapinga nodio mabogooï amitonè pitesi nooïya atodio mabogoo. ⁴ Kaïmaro niïdjadja kuwe èpa nè saa ï magato ba edjandreanà kanukoïya atodio mabogoo. ⁵ Miïbaè, nanukpandru mumbe miïba eto bu atobàdrú, ⁶ ièsi kapia noomuï bandrune tiï batangeadjo. Kesi kaa mumbe tooyoyi banyene badri koopuaï inu aataï Angea'neru to. ⁷ Si koyà atorusi Yesu-kristu bane, kakodrua bedu ata'mupagano. ⁸ Aabiá ba amapruo eba djoè amakpa ero atodio mabogoo. ⁹ Maë ba miaa nebukaa tangeadjo, Diotefres oguandrenè kanapiàma, ¹⁰ Aneï, maguami nè madia odio pitesi esianè, uudiame'aada esi uudia aama'eto nè, uuproka eba, nundabandresi nè, betia, badjami atangeadjo. ¹¹ Miïbaè nungodrue mbee nodio ada, too nè nodio mombe. Nombiï esia mumbe nè, eeyi Angeandre; neyi esia maada nè kaïnogua Angea. ¹² Eba ndubu, kanukoobrua Demetrius atodio mabogoo bu esiame mombe si bandrene, aama siïso maangapi esiame si bandrene. ¹³ Mabuàrè oodio ngboo maè miko, too kamoomu mesimiko naadjokaki; ¹⁴ Maaguawe gaadri bamaadia bank, ne kimia nobu miro ! Mambendrue, kuuyamipa. Kuuya mabindrue kana kana