¹ Polo, mbe kanaga we Yezu na Timoteo, ti Filemona, gumi ani we sungu. ² Ti Apia, ti Arkipo, gumi ani we we sungu Zegi, na ni mu na duma Zegi na duma so. ³ Ita ya oni sungu hi na ndagba Zegi buba sa ani, na Yezu gbenge sa ani. ⁴ Mi za gasa melesi ti Zegi se ko ini yo na sa sambelise. ⁵ Tipoyi mi gini yongo ndangba boyambi ti bosi Zegi na ngbaya yongo tipayi ani nzu ambe Zegi. ⁶ Na jukana ya wa modumo yo na ndagba boyansi, à boyambi so du ni nye nye ki tipoyi bosi Zegi. ⁷ Mokana yugu nani ngbaga yongo mi yingisi sesepeli na delike ti kutu ngbaya nyongo sigi, tipoyi mo n'a gumie dowo peto sungu sende yii. ⁸ Tipoyi nye, mi dumu ndangba bosi Zegi nyongo nzu ni kunga tipoyi bake luma ngbanya se. ⁹ Miyo te luma Zegi Miza fukano yongo sambela me, Polo, abandiani, nawa meama nimu ade ngbanga niko na bosi Zegi. ¹⁰ Mina sa sambeli tipoyi bosiee na ndangba gili Onesimu. ¹¹ Songa odu pamboa wa meama oni kunga n'a mon na mi. ¹² Mizatima ko bâti iyo a in nzu. ¹³ Mi ba dewe tipoyi anige liko a pati ani, tipoyi akana ni sungu na bati yo, na logbo na dumu Mina ndagba inga ba fuka yongo bofu Zegi. ¹⁴ Migeyi, bakana yongo Ni kunga ku avo niminyo, tipoyi ngbanya yongoso ga kananga se ni ngulu ka kasi atiga kpati na du wo. ¹⁵ Logbo hili okpala tiko na mo, tipoyi da logbo, tipoyi mona dinga batiyo bogi sako, kindina mbolo so, ¹⁶ Mi ge du ambe sunge ku, gbenge ga mbe sunga gume, opatiko kili ne mi ni ngulusako, na ndungba inala, ndagba Zengi. ¹⁷ Kasi, a gu mie, oni kanisi a yongo mu a mbe Zegi fuka no. Na ndagba Yezu gbenge s'ani. ¹⁸ Ofuka na a ni ya, na logbo suka oni na du na gbegbeleke à ni. ¹⁹ Ako su na kaboli ani, molimo Zegi ti akoku. ²⁰ Ti yo gumi, mi za zala a ali se, ti na ma due na bosi Zegi. ²¹ Ti poyi kanaga sako ni ngba ngba, Miza kee no Mokana ndenge kili wa fuka. /v 22 Gini kili Mogele duma tipoyi mo gesi nelo ti sosa mbeli so.