1 Mi polo, apostolo we Klisto Yesu, wa a Zegi yi olokoe ya mi fuka kida lugu dumu ti klisto Yesu, 2 We Timothéo Bosie na gumi Zegi Buba na Klisto gbenge sa ani a hu galasio no, malo na zezeleke. 3 Mi gonda Zegi sigi mu mi na kana sungu no tipoyi ko ti bita due, wa atitase kana niko na logbo nzu ngu na ule mu migo na ba due katoni sambo se. 4 Baka mi ba due ti ule me, moza gbo ni ume, mini yagba hala babio bati iyo ti na ti molo se mi hini sesepeli. 5 Mige iwi du ya ndenge we modu ni bita boyambi, wa tita ni de aieule Lois na namo Eunice, mi ni bita ya boyambi ni ti na duo zo Zegi hu ni Timothée ngalasia sako. 6 Tisu dumu mi volonko, mo kembe ni ngalasia mu a Zegi mase ti duo, ti ulemu mi ma be kali yo. 7 Tipoyi Zegi ge hu elimo noni du tipoyi gunde, kasi o hu na ni elimo ngulu we gumi na bobo du. 8 Tisu zega kananga o ha ti fufuka luma gbenge, Zega kananga oko tipoyie, wa a zelie ka kanga tipoyi luma ko. Kasi ni yi ba ndinga na migini kili tipoyi ba kpataka ngbaya yongo. Zegi su na kemba sa ani. 9 Kosu gusu ani na kosu ya ani ti sungu me(mosantu) oge kana se wa muyo tipoyi ngbangba yongo sa ani ku, kasi tipoyi galasia sako, tipoyi kosu yi wa muyo. Bandi gatala yongo nzu o hu na ni ti klisto Yesu. 10 Ngalasia me ti yugu tu ti gawi gbenge sa ani Yesu klisto. Kosu nyesi ngulu kulugba, na yuga ngbaya sako, o zeli na ani lugu mu gea nyasa du. 11 O lokoe mi fuka se mi du ni apostolo na ba yuga. 12 Kpati tipoyi kutu yongo mu su na dinga bati iyo, kasi mi ge a bi se ni ze du tipoyi mi yini ya inda lu na mase ti due kosu pe ba aga na makabo mu zelie mbuu na ule ona ga te. 13 mo do kpati ti kutu yuga yongo se mi yugu mu no. mo du kpati ni boyambi na yiyini Yesu. 14 Mo egi nzu ti ambasa elomi santu sungu mu ti du ani. 15 Moge yini du ya a gumie mi du mu na ako ti Azia awe a otoe, Phygello na Hermogene ako du kpati na ndagba ako. 16 Gbenge obi akanga sa Onésipore, mawa tipoyi kosu kembe ba lendisi du bati sigi, obi ki wi mu Zelie ze ko. 17 Ti ule oda na Roma, ogela ba ta te ni ngulu mbu odinge. 18 Agbenge limbisi ko ti ule ona gamu, moyi kili yini ni ngbangba ndenge wa o amba mina Ephese.