¹ Matani wolo yaazugo mabana,ga na yamanage,na masaa maazu, ² Baani gee bhami bho bhobhoti bhonzongo,lebhele la elimope bhengoo ,nakwa egee mapingina wowe, ³ agose makingi to etene mogoto ale nakwa enza. ⁴ Eesesiani nabiengee lebogo la wowe,le bhato bhamaati kasi bhaponi amenani ambole ya Kunzi; ⁵ pe go bhanu,gee mabogo ma wowe,ebhongisiani nakwa yazee ngbale ya elimo,nasoyi esantu,nakwa pee legabo la elimo lenza biya Kunzi apesi ya Yeso Klisto. ⁶ Nakwa apagi a ekasa:Yendani naanabisa lebogo le bhapiya na ngbale ye bhaponi lenza;pe mabhuya, kayumanagi. ⁷ Lekumu ale nakwa ngbanu,po mabhuya.Kasi nakwa bho bhakomi bhuye,lebogo le bhadheti bho bhali bhapiya ngbale,adele la mbola la ekuu, ⁸ pe leboo le bhasaga pe lebogo lagwisa,bhabhasaga nakwa bhabhuyi lekpeta,pe ali nakwa iya nde bhosagwi. ⁹ Bhano na ndenge edani male letina le bhasagui nakwa esale wa epee ta Kunzi,letina la bhowenge bhato bhongoo oluu,nakwa makpeteage bhakwa ya wanisiyeya moto mo amomayi adhidhi mayingi naa bhowenge bhongee, ¹⁰ Bhino bho malindele bhato bha Kunzi,magwinda madele bhato bhongee,bha Kunzi,bhino maluunde bhodogi bho maguinda maluule bhodogi. ¹¹ Bale bhabhato,namolendisi gee bhadidipe bhato bho bhasoo peesi wane adhodho,madhe siye ya nzoe ya dhuwa na molimo. ¹² Liyani akpoto wa bhapagano na bhike enza,nakwa bho bhamosaa gee male bhawowolo, bhabhemena na bhakwa engbanu enza, pe bhakumi Kunzi,biti yadoo naamomonda. ¹³ Liyani na motuwa nakwa ya mogoto,na lekumu lali naluakpoto wa bhato,aliya bhakumu gee,bhakumu bho bhasoyi, ¹⁴ Kaliago bha guvelenele bho bhoti nayi nakwa bhapee etumbu,biya bhato bho bhaza bhakwa yene pe nakwa bhabhuyi bhato bho bhaza kwaenza. ¹⁵ Nakwa ale bhaye ya Kunzi maze kwa enza ma mokisa na bhokpotolo bho bhebhunga na bho bheyibi, ¹⁶ Liye kongo kazee kongo letambala ladhiliya kwaene, kasi zeekwa gee bhasali bha Kunzi. ¹⁷ Opaani bhato bhazu motuwa;obhaani bhamamabhanu;ebhangani Kunzi; opani bhakumu motuwa. ¹⁸ Bhasale liyani na ekisa nabho bhayiba, kale panakwa bho bhali bhato bha bhakwa enza pe bheyo,gonabho bhali na ndenge ekpekpe. ¹⁹ Nakwa ale mbali ,ya kumbe epasi nakwa yende biya Kunzi,nadheli bhawoo epasi nakwa ebhazi. ²⁰ Nakwa iya,lekumu sina lali a kumbe kwa ene ye bhamozi nayi nakwa mazi kwaene?agose makumba epasi dheli mazi kwa enza,ale mbali biya Kunzi. ²¹ Pe ale nakwayo ndi bhamo mayi,nakwa Klisto awoyi epasi nakwa ebhanu,amodheleya lewanisiya,nakwa magugi masoo mongee, ²² Yi mo kazi kwaene,pe agnee ano bhatani ndaye; 3Yi mo bhali pabhakpana,kasisi kpani,bhaza na bhakwa enene,kali atombogo, kasi ali paesisa pa nabiya masambisa bhengi; ²⁴ Yi mo malemoti akumba bhakwa bhenene bhengbasu angee anzoe agunale ya embaso,nakwa akwii abhakwa bhenene,tali tabika nakwa ya kwaenza;yi mo nakwa ya bhapowa bhengee nde mawuyi. ²⁵ Nakwa nali gee bhakandolo bho bhayumanagi, maguinda masiliagile moto ma molila,pe moto malila molimo mongbanu.