1 Polo, boundami bona Yesu Klisto, la Timote, loon'ómo, oka Filemo, bakun'enami loosála; 2 boseko ona Afiya, lonómo Archipo, bakunéaniso lokindo, léena losambo enoli itumba enande; 3 tika bawa, la mwi yotofelama la lolango lona Ndjakumba ise iniso la Yesu Klisto. 4 Lofá pendja lokumu enéle Ndjakumba, lootangaka lina linawè enabondeli enami. 5 Latinook'emi lombeya Bokondji Yesu, la lokumu loonisoátu ba santu. 6 Lokolomba mbo, enesanga ena limilia eyali lotshili latina lina Klisto, atiliso mbo tanonganya bakombo baátu lilotshi. 7 Lolé, leesengo ékelemi latinaoka mbo aya lindjakis'emi lakamboa yonge, we akuneanami botema bana Saulo eyele mwi. 8 Lalitin'ino, ehokange emindjali leetélo eetu eneyali Yesu latina eleloho litinda yoi linakolana ko usumula. 9 Ohandé lotena ndandji, ene lolango, emi Polo, ngolosombo, meneko esanga lisungu linee, latin'okake lole boundami bona Yesu Klisto. 10 Lokolomba latina lon'onami mbota, onoamundiyo, Onésimi, 11 on''oyalaki ekina emombala botopamba, ko sikasinè ene ayali alitina linami. 12 Lokotomela end'alikina, la lolango lonami. 13 La lolango ambo ayali mbolimboli enami, latina ena likambelemi ene esangi, enesike eyalemi enetei lolokoloti. 14 Bisikitu, italang'okamba bosu mbo oheyé, wan'eho la litina mbo bakambo bolotshi bonè loyali yokalotshili mbo lokani lonan'amènè. 15 Ekin'isiké akafoanaki liiyoawe emoye esike latina mbo buukané londjola. 16 Ende ana botosola, mbo alende ngolosombo la, tosala, la linokambo bale bakume nami lemi, lalilongaakambo bayonge, liyale l'osikoli. 17 Kuma olong'emi yook'inee, ongoyala yookemi. 18 Kum'okamba likambo, kuma we olombemi bolimo longo kofa. 19 Emi Polo, lokokomela lana kasa nami, longo kolomba mbo oyali we amene en'esanga enami. 20 Lomimelia mbo lootamba ene bawa bane bosakoli lawa lotema bona Klisto. 21 Lalikila bokitshasé bone nd'okokomelemi bon'okanda, wanonganya mbo ongokamba ena liko ene ndeng'otend'emi. 22 Mbala emoko, onganyele itumba. 23 Epaphrasi, inami boundani ena Yesu Klisto. 24 Ako Malako, Aristarke, Démasi, Luka ban'ongami yoosala. 25 Mwi ena bosakoli oniiso Yesu Klisto ayale lelimw'enino.