¹ Nanu edeye, bakumi ! yeani na himahimani, natina e mawa ima maduabi diko jinu. ² Bokumi bonu bopoi, na bisenja binu biyakami na ba mboa jikeke. ³ wolo na falanga jinu jibei ; na bojakaka bomina bodabi litatoli diko dinu, na boyakabi muni minu olongo mosa. Osangisini leka ta masu masuka ! ⁴ Inza, lifuti li basali iba batui mbuma ta gbie jinu, na iba oba bangejaini, gama, pe bogama bo batueli mbuma bomei ta matoi ma Kumu omapinga. ⁵ obikelini ta ngondo atei e sepi jimokuku na atei e leka lopele, ogolejini milema mino ameti na busa bogwaka tito ba muta. ⁶ okwejini, owini moto o sembo, iyo atelemeliti no te. ⁷ Dani molema moyai, ngene tii abodoa bo Kumu. Inzani, mobengeji o kpoto ambaka mbuma epele e kpoto, bodia molema moyai adi yo, kino bo adie mbuwa ba yanga bo boso na ngongo. ⁸ no koko, dani milema miyai, pingejani milema mino, zambi bodoa bo Kumu bodi mbuti. ⁹ Pe bosa tungejani omoti na okina, ngene, tina bo ota sambejama : inzani, juji adita ta modipe. ¹⁰ Tombani, bangene, pozi ndenge esaya na molema moyai mo basakoli iba babala na tina ekombe e Kumu. ¹¹ Inzani, bobalaka bato basepi adi ba baka saya eyai. Babalabi nano ni atina e molema moyai mo Yobo, na onebini suka emopa Kumu, tina bo Kumu aluma na wa ende pe nawa. ¹² Yambo e ngando jisusu, bangene, pe bolapa pe adiko, pe ta kpoto, pe ta ekina koko elakeli. kasi bo bojima bowe bodae iyo, na bolona bowe bodae oko boa, natina bo otakwa a bosambisama. ¹³ Okina atei enu adi ta saya ? ange. Okina atei enu adi na sepi ? ambe yembo. ¹⁴ Okina atei enu apekaka dea ? abe basuku ba denga, na bo basuku bange atina ende, nabo mosinga muta ta kombe e Kumu ; ¹⁵ boonga bo ejimeli boheleja moto o epeko, na Kumu amongojo ; na aka koo masumu, mabwani bolimbisama. ¹⁶ Yambolani masumu manu omoti na okina, na ongani omoti na okina, natina bo odieni mohelo. boonga bo ejimeli e moto sembo edi na ngulu enene. ¹⁷ Eliya adaka moto omoti ameti nanu : a inga na etsi bo mbuwa eta tua, na mbuwa ei tua te ta ngondo ta yanga isato na songe ba samano. ¹⁸ Na anga na ekina, na diko apa mbuwa, na pe kpoto apa mbuma. ¹⁹ Bangene, isa okina atei enu alengemi bowali bo soti, na okina amosombeja, ²⁰ ajebe bo iyo asombejabi mokomeli o masumu ta nzea ye elengemeki yo ahelejabi moto ta yogo na adipabi bobuke bo masumu.