¹ Ekada bo osapuswami na bago na Klisto, duka ngando lo diko, yana Klisto adai ta ebo e bami e Njambe. ² Sabongejani na ngando ji diko, pepe na iye idi ta kpoto. ³ Zambi ogwakini, pe bomoi bonu bobolamaki na Klisto atei e Njambe. ⁴ Ehole Klisto, bomoi bowe, aimanabi, boa oimana koko na nde ta kembo. ⁵ Koni bo openi yogo a bikenge bi mikuku bidi ta ngondo, pite, pe seno, posa ji ngondo, posa jibe, pe bojanga boaka, iye edi boonga bikeko. ⁶ A tina i ngando jia kele e Njambe edoi diko di bana ba bobunga, ⁷ atei ena odalakani mbala ekina, ehole ehelakano atei e masumu. ⁸ Kasi edeye, sa dongejani na ngando ye jisusu, ta kele, bo tito, ta sanga, ta bohima, ta maloba ma pe tina ima makoki boimana ta monoko mowe. ⁹ Pe bokosea ibii na ibaya, odengejami ta moto moyou pe na misala minde, ¹⁰ pe bo lwaka moto oyeine, osaimejaka yeine naikina, ayei ebo jeba, elenge emoti na elili e iyo omo kel. ¹¹ Iyabo Moyela aditi pepe koko Moyuda, pepe ojanga bo nenama gaja pe bo nenama gaja pepe Barnabala pepe Syte, pepe mobuli to osomi; kasi klistu adi misusu pe bwese. ¹² Soti, elongo eba womoke ba njambe, ba senwake pe na badimani, lwani mipiko mi ngolu, molema mopele, bota titeja, bowii, molema moyayi. 3 Peyani milema aiomoti na okinna, pe, ekada bo omoti akada na mojo mobo bo bala aiokina, sa limbisani ai omoti na okina. Elenge emoti Klistu alimbisa no, Sa limbesani koko. ¹⁴ kasi diko ji mambo ma susu sa lwaejani na boyambi, iyebo edi njeya ebo baneyama. ¹⁵ Pe ibo bowii bo klistu, ibubu bo beyama no tina ebo tonga mokuku momoti, adi ta milema minu. Pe dani na bojeba. ¹⁶ kina bo meko mi klistu mi mange atei enu nabo dolwa; sa teyani pe sa lendijani omoti na okina na bwanya bosusu, na njeya eba njembo, na njeya e njembo, naba njembo ji mwembo, bo ambaka na njambe ta milema minu atina jibo lindma bo ngolu. ¹⁷ Pe iye ndani iye ekobi no, na meko to na misala, koni misusu na kombe ekumu Yesu, na bopaka na njeya ende bikela bi ngolu adi Njambe tata. ¹⁸ Bali, daani atina ji bami ba bino, elenge edimi na kumu. ¹⁹ Bami, pani bali banu, pe pepe bo kani gbeke nabu. ²⁰ Bana, tosani na makambo masusu ba boti banu, te ngasa edi bopele atei e kumu. ²¹ Tata, pepe bosangoani bana banu, na tina eboo bata ambeke te. ²² Basali, tosani na makambo masusu bakonji bano elenge emoti na munu, pepe koko a miso ma bu, tina ebosepija bato, kasi na bosa titeza bo molema, ta bobangi bo Kumu. ²³ Esusu ekoko no, koni na molema mopele, elenge moti na tina e Kumu pe pepe na tina e bato, ²⁴ Bojebaka bo ojiabini a ji Kumu libula tina e lifuti. salelani Klisto, yo Kumu. ²⁵ Te ngasa iyo koko na bojanga sembo aliabi elenge moti na bojanga sembo, pe adimejamiti na moto omoti te.