¹ Polo, toma o Yesu Klisto na nzea e ejimeli e Njambe, pe ngene Timote, ² ai basenoke basembwi bangene atei e Klistu ibaya badii ta Kolose ; kinani bo ngolu pe bowi bapame nanu a pamba e Njambe tata osu ! ³ Bokumeji Njambe, tata o Kumu osu Yesu Klistu, pe bota kina boonga sambo atina enu, ⁴ baaka atina e ejimeli enu atei e Yesu Klistu pe na tina e epaeli enu ai basenoke basusu, ⁵ atina e elikya iye ebaneami o diko, pe bo meko mi soti, meko mi sango epele mijebejaka nanu boso. ⁶ Edi atei enu, pe a ngondo esusu ; epaka mbuma, pe ekeke na bokandoa, olongo emoti atei enu, banda disu likano pe ejebano ngolu e Njambe olongo na soti, ⁷ Bolandana na mateya ima madia no na Epafalasi, ngene osu o mosala, iyo adi atina enu moteyi o sembo o Klistu, ⁸ pe iyo akoja su na boyambi mwembo modalejakano. ⁹ Natina emina so koko, bobanda busa buwa bokaso, botakinaka boonga sambo adi Njambe atina enu, pe bosenge bo olumeni na bojebi bo posa ende, na bojebi bosusu pe mayele ma mwembo, ¹⁰ tina e bodala na elenge epele e Kumu pe bomosepeja na mobimba mowe, na bobota mbuma na elenge jisusu ji mipele pe bokandoa na bojebi bo Njambe, ¹¹ pingeja na basusu na nguya e kembo ende, na ndenge bo odaeni ngonga isusu pe na sepi eyai pe bopea molema. ¹² Pani ngolu adi Tata, iyo opino makoki e bodia esika ta libula li basenoke atei e pole, ¹³ iyo o kangola so ta nguya e modidi pe andoa so atei e bokumu bo mwana na bopala bonde, ¹⁴ na yo bodi na lisiko, bolimbisama bo masumu. ¹⁵ Adi elinlilingi e Njambe iyo tanene, mwana o boso ta leka losusu lokomo. ¹⁶ Zambi nayo leka losusu lokomo ilu lodi o diko pe diko di kpoto, ikaneme pe na ibu te bonene, ebonga ekumu, bokumu, boyangela, bokonji. isusu ikomo nande pe natina ende. ¹⁷ Adi boso bo leka bosusu, pe leka bosusu bokomo nande. ¹⁸ Adi molo mo kokuku mo etonga; adi ebandela, mwana oboso ate bato bago, na tina ebo alae mosusu oboso. ¹⁹ Te ngasa Njambe apalibo igola mobima idae atende; ²⁰ Apali na nzia ende asangise bosusu adiyo mene, ada iye edi diko di kpoto to iye edi a diko, na bokoko bowi na nde, nanjia e makia ma ekulusu ende. ²¹ Pe ino, ibaba daja mbala ekina bapaya pe banguna na njia e makanisi manu pe na njia e misala mino migo, asangisi ino sikaye; ²² na njia e yogo atei e mokuku mo muni monde, natina bo odaeni boso bonde basenoake, ba zangi itono pe bazangi bopamela, ²³ Ekada bo omaini pe bopipo atei edimeli, janga bo ohombaneni na edikiya e sango epele edima no, eteyama na bikelamo bisusu a tina ji liko, pe iye mbi Polo, naimeya moteyi. ²⁴ Nadi na sepi dediye atei e saya dimbi poji no; pe iye edi bojanga a saya di Klisto, naseijaka na munu mo mbi, natina e mokuku momde, imu modi etonga. ²⁵ Natina e mina naimeya moteyi, elenge moti na mokumba mopani Njambe mbuti nanu, tina bo natee esusu mene meko mi Njambe, ²⁶ Mobolama mo bihole bisusu pe na mboba isusu, kasi einejami dediye adi ba senoake ba nde, ²⁷ A di nde Njambe apali ajebeje ekandani edi kembo enene po di bobolama atei e ba pagano, bijeba: Klisto ate nu, edikiya e kembo. ²⁸ Edi yo odiso boteya, bopingeja moto mosusu pe boteya moto mosusu na bwanya bosusu, natina eboneja adi Njambe moto mosusu, amiye mopele ate Klisto. ²⁹ Natina emina nadiaboko na boina na ngulu ende, edi a boko atei e mbai.