¹ Tina ye etali kabo i mwembo, napaliti te, bangene, bo odaeni ta libunga. ² Ojebini bo, ngonge edakino bapagano, osakinakini adi bikoke bi taka e kopi, na ndenge e sa dalejakana. ³ Tina ndani nabalaka bo ngasa, ekabala na mwembo mo Njambe, atonditi : Yesu alakelame bobe ! pe omoti ai baleko te: Yesu adi Kumu ! Emiti da na mwembo mosenoke. ⁴ Edi na bokeseni bo kabo, kasi ta mwembo momoti; ⁵ Bokeseni bo tomo, kasi ta Kumu omoti; ⁶ bokeseni bo misala, kasi ta Njambe omoti iyo asalaka atei isusu. ⁷ Nzokande, na omoti boinejama bo mwembo epami na tina e lisanga. ⁸ Na bowa, na moti epami na nzea e mwembo liloba li bwanya; na okina, liloba li bojebi, bokokana na mwembo muha; ⁹ na okina, ejimeli, na nzea mwembo muha; na okina, toma e boheleja bakoni, na nzea mwembo muha; ¹⁰ ai okina, kabo e boko bikamiswi; na okina, masakoli; ai okina, bososolo makanisi na nzea e mwembo; ai okina bokeseni bokopi; ai okina, lilimboli li kopi. ¹¹ Yo buki pe mwembo momoti akoko a ngando jisusu, apeke moto na moto elenge epali yo. ¹² Kasi, elenge adi omoti pe adi na bikeke bike, pe elenge bikenge bisusu bi mokuku, nongo motango mo mu, mokoko oko mokuku momoti, nna ndenge edi so ai Klisto. ¹³ So basusu, na boa, bobatisama atei mwembo momoti, tina bo bokoe mokuku momoti, ekada Moyuda, Mogeleke, kako moombo, kako somi, pe so basusu bamwakejama na mwembo momoti. ¹⁴ Naboa mokuku moditi enama emoti te, kasi ekomo na binama binene. ¹⁵ Ekada bo eko ebali bo: Atina bo naditi ebo te, naditi e mokuku te, eta da te e mokuku tina e yu ? ¹⁶ Pe ekada itoyi ibali: tina bo naditi diso, naditi e mokuku, ata da te e mokuku tina eyu ? ¹⁷ Ekada bo mokuku mosusu adi diso, edabi ani booka ? Ekada bosusu booka, edabi ani booka so ? ¹⁸ Aleli Njambe aisa binama a mokuku na bopala bo nde. ¹⁹ Ekala bo bisusu bilae enama emoti, mokuku modi ani? ²⁰ Edeye eli na binama mundi, pe mokuku momoti. ²¹ Diso bokokiti bobala na ebo bo: naditi na posa ewe te; pepe molo bobala na mako bo: naditi na posa ewe te. ²² Kasi bopele bohu, binama bi mokuku ibi inemeke na bwembu idi na litomba; ²³ pe iji ekanisaka so bo edi na ekumu ekeke a mokuku, boedingaka dea na ekumu enene. Oboa binama bisu bi ekumu ekeke ekadie ekumu enene, ²⁴ Na i baya idi na ekumu iditi na posa ena te. Njambe apa mokuku na ndenge e bopa bohu ekumu na iji itakaka, ²⁵ atina bo etada bokaboani atei e mokuku, kasi bo binama bidie boseno bokokana ekina na okina. ²⁶ Pe ekada enama ekaka saya, binama bisusu bikaka saya ameti nande; ekada enama emoti epamu ekumu, isusu isepaka na nde. ²⁷ Odini mokuku mo Klisto, pe odini binama binde, omoti na tina ende. ²⁸ Pe Njambe asa ta lingomba boso meene ba toma, na esika ebae ba sakoli, a esika esato minganga na ngongo ibaba ba badi na kabo e bikamwa, na ibaba badi na kabo e boheleja ba koni, bosunga, bodaleja, bobala na kopi jitongono. ²⁹ Basusu badi batoma ? Basusu badi ba sakoli? basusu badi minganga? Basusu badi na kabo e boko bikamwa? ³⁰ Basusu badi na kabo e boheleja bakoni? Basusu bakapale kopi ? Basusu bakalimbole makomi? ³¹ Lindama na kabo jipele. pe nadi koko bonejano nzea epele.