¹ Polo, o biami toma o Yesu Klisto na edimeli e Njambe, pe ngene Sositene, ² Ta lingomba li Njambe a Koliti, na iba ba sasenojama atei e Yesu Klisto, ba biama bo badae basenoake, pe na iba ba biaka na bikina bisiki bo ekada kombe e Kumu Yesu Klisto, Kumu obu pe osu: ³ Kina bo ngolu pe bowui bopame na nu na tina e Njambe sango pe Kumu Yesu Klisto! ⁴ Nadiopa Njambe ombi tango esusu bikela bi ngolu atina enu, podi ngolu e Njambe iyo epama na nu adi Yesu Klisto. ⁵ Te ngasa adi nde oliani bozwi bosusu ibu boli na tina e liloba pe bozebi, ⁶ Litatoli li Klisto liteya na bopipo atei enu, ⁷ na ndenge bo ota takani likabo limoti te, na bombaka pamba iye odini boinejama bo Kumu Yesu Klisto. ⁸ lipingeja nu koko kino suka, poji bo odaeni janga e pamela lisui li Kumu Yesu Klisto. ⁹ Njambe adi sembo, yo iyo obianu ta lisanga di mwana onde, Yesu Klisto Kumu osu. ¹⁰ Napingejaka nu, bangene, na kombe e Kumu Yesu Klisto, bopiani ino basusu meko mi moti, pe na tina e bojanga boinejama atei enu, kasi na bodaka na bopele na lisanga atei e mwembo mo moti pe atei e posa e moti. ¹¹ Tengasa, bangene bambi, nalia na tina enu, nanjia e bato ba ngando Chloe, bo daka dili atei enu. ¹² Najoko na tonde bo moto o moti omoti atei enu ajoe bo: Mbai, nadi o Polo! pe mbai, o Apolo! pe mbai, o Cephasi! pe mbai o Klisto! ¹³ Klisto adi mokabwanake? Polo abakama ta ekulusu na tina enu, to pe oliani batisimo na kombe e Polo? ¹⁴ Nadiopa Njambe matondi na tina e bo naibatija omoti atei enu, longija Clispusu et Gaius, ¹⁵ na tina e bo moto ata bala bo ino o batijamani na kombe embi. ¹⁶ Naikina nabatija libota li Setefanasi; naiye elika, naditi bojeba bo nabatija bato bakina bato. ¹⁷ Editi na tina e bobatija koko Klisto aloma mbi, edi natina ebo sangeja sango esenwake, pe nayena zanga na bojeba bobala, natina ebo ekulusu e Klisto atala kongasa. ¹⁸ Te ngasa liteya li ekulusu lili mobuwa pojiba bagwaka; kasi poji so ba bayela, lili ngulu e Njambe. ¹⁹ Naikina ekomama: Nabejaka bwanya e bato ba bwanya, pe nabejaka mayele ma bato ba mayele. ²⁰ Odi na bwanya adi so? Mokomi adiso? owelaka ta ehole iye adiso? Njambe alilonga mobuwa mo jebi ji mokili? ²¹ Te ngasa poji bo mokili, na bwanya bonde, molijeba Njambe na bwanya bo nde, esepisa Njambe aheleje badimia na mobuwa mo liteya. ²² Bayuda balibonga makamwisi pe bayela bodioluka zebi: ²³ Iso, bolidioteya Klisto o bakama ta ekulusu; libaku poji bayuda pe mobuwa poji bapagano, ²⁴ Kasi nguya e Njambe pe mayele ma Njambe poji ba babiama, ekada bayuda na bayela. ²⁵ Tengasa mobuwa mo Njambe modi na bwanya bono bato, pe bwembu bo Njambe monoi bato na ngulu. ²⁶ Injani, bangene, bo atei e bino iba babiama edijiti na bwanya mundi bokoka na na munu, editi na nguya bula, editi na lokumu. ²⁷ Kasi Njambe a pono leka lo mibuwa lo ngondo poji bobungija bato ba bwanya; Njambe apono leka lo bwembu lo ngondo poji bobungija bato ba ngulu; ²⁸ Pe Njambe aponi leka lobe lo ngondo pe ibu bokinolaka bo, ibu boditi bu boditi te, po di bobejaka ibu bodi, ²⁹ natina bo muni misusu mitasa kusamuja a boso bo Njambe. ³⁰ Njokande, na njia ende odini atei e Yesu Klisto, Iyo bo, na njia e Njambe, ai moya bwanya poji su, bosembo pe bosatisama pe lisiko, ³¹ Natina bo, ndenge ekomama, Iyo osakumuja asakumije atei e Kumu.