¹ Polo mange ma Yesu-Klisto,pe mama Timote ka Filemo, malebabato pe dasu kasala. ² Na mamasu Afia,ka Asipe dasu ma n'kando pe ka ngbale ya Nkunzi ya ka ngaa ka n'gi. ³ Do bete mbali pe bode ba Nkunzi abasu pe mokpe Yesu-Klisto ali na we. ⁴ Na sisa ntango wazu mbali ka Nkunzi mongame,a nopata ka ngame ka maboloni ma Nkunzi. ⁵ Na kwa bete na moyi ebweli te ngaa ka mokpe Yesu-Klisto pe na lebabato lengaa na bo ngee. ⁶ Na kongale bete ebweli tenga abipaki na kwa ya klisto,a lewanisa bakwa yazu be enzanza. ⁷ Nale gobo,na wanisi sote na kise yameleme lebabato lenga,na kwabete na pesi enga,mama me,meleme wa bato ba Nkunzi a ki. ⁸ Na kwa yiyia,songo pana lii na lekoki le bete no koleleke ba kwa benzanza. ⁹ ka mbola pe nza ale na lina la lebabato ndi no tisi maboloni ma,gobe nali,polo,mokpe,pe sikawane mange ma Yesu-Klisto. ¹⁰ Nobolole gobe mi mongame,ma na boti ka ba gbe,Onesume. ¹¹ Ma ka likiki na le dumbe,kasi wane adese n'eyua,na me na we. 2 No sisili na yi,ma apupi kangame kama n'sopo . 3 Na bakiki bete na n' bande tali nayi wane,nakwa bete ezeleme ba kwa n'esoi engaa,gobe me nda ka bagbee na kwa ya nzombi wa Nkunzi. ¹⁴ Mbala yaazu, na bayi bete naze gobe we koyipi,na kwa bete kwa enzanza kali ya tindeke na ngui,kasi ali kwa ya obayi. ¹⁵ Mbala edana ma gbananaki nayi babiti ebwa,nakwa bete mamenane nayi na kwa ya seko. ¹⁶ Ka goto be m' mange,kasi gobe moto ma asoyi m'mange,gobe ma le babato,kangame mangini pe soeke ka nga,alia kanzo,alia ka kumu. ¹⁷ A gobe emeni me gobe da,m'mena yi gobe me mangene. ¹⁸ Pe agobe ozeli kwa enye,a songo gobe a lii na kwa engaa,bisakwayiya na palu ongame. ¹⁹ Me polo,na koloki na mabo mongame mamgini,na futa to,nakwa bete nopake engame bakwa ya kangaa. ²⁰ gobo,mamame,do bete na lu ka ngaa lenza le,ka kumu,lisa meleme ongame be wii ka Klisto. ²¹ Kaguna ya botua bonga ndii no koleleki,nayipi bete ozato sooke ya na paki. ²² Gbene wane ebongisele soi ya bongi,na kwa bete na kemale biye naa,mbali ya maboloni mongaa. ²³ Epafala,dame ma nsale ka Yesu-Klisto, ²⁴ Opi nsambi,na Malako,na alutaka Dema,Luka,ba dame ba nsale. ²⁵ Do bete mbali ya kumu mo ngbosu Yesu-Klisto a lii na sumue mo ngbonu.