¹ Juda,mange ma Yesu-Klisto,pe kuma na Jake,ba bomayi,ba balie ka lebabato ya kunzi Aba,bo batelami na kwa ya Yesu-Klisto: ² Do bete bodigi,bodee pe lebabato ³ Malebabato,gobe na bete na makolele na lewa legbosu baza ne moyi naze kwaiyagobo na kwa bete na mokisi a melema ma dui kando na ebueli tendele ka bato boza. ⁴ Bato mokina ba mingisi,bato dendele egwa te gobu a komami ya kunzi adee,ba mbelale kumu maso moti Yesu-Klisto. ⁵ Na katene ne buseli,na bonu boipi kwaye na gui,kumu,tinde ya weisa bato pe opu sekangali Ejipito,abia omo batoo be egbndili ⁶ Asomi na ya sambise yabitisii,ba nzelu babatele le kumu engabu, ba disoengaba yalie. ⁷ Sodomo na Gomolo na ngii me kukutu,ba be moti na lenye gobebu na bavele enyenye,bopi gobe ekengeseli na kwa te balu gbange ya bogu bakalimane. ⁸ Apa gobe,ba lo ba,bekumba na yauli engabu,ba umese zoee engabu, ba bounagale kumu pe ba seaka bounge. ⁹ Kapi kumu maba azelu Mikaeli,na mbeli sumi pe babiseneke bebandili zoee ya Mose,ka seaki bete mokpee okpamene! ¹⁰ Yi,nangobo,ekina ade la beseneke,na zanza ipa kwa,belusakale naba soee ya kuba. ¹¹ Bodogi ba gbonu!akwa ba dei peesi ya Kaina,bematika mbano ya zange ipe Kunzi y'Abalama,ba bunganaki na kwamoo okpekpe wa Kora. ¹² Ale ba kwa be nzanza be balui,na kwa betene be wanye bato be nzanza ka zoo,bu mengene bekisi bale mapata ba zangi liba atanga beboo baba kpoto na mipepe;ba mbaso ya ngange ya ka na mbuee,akwi mbala ebale,amuani; ¹³ Lembanga le nye la liba,ba dua bo nye bo ngobu,beyonge baba kpakpa,babobisiki n'didi wa libela. ¹⁴ Na kwa ye ngobu ndi Enoka,moto ma sambo do ka Adama,api ndele sangi gobe :mondani,kumu abii na bato bo ngee bo bua, ¹⁵ Na kwa bete osambisi bato baazu,na kwa bete osisili bato bo nyenye ba kwa be ngobu yaazu be nyenye ya bazi pe manzombime maazu ma maseani na kwa ye ngee bato nyenye. ¹⁶ Ale bato baba ndungumaka,baba gbelanakale na kwa engobu,baba kpotole na n'fio ongobu ,ka ngobu ka ngaka bale na enzombi onye,bobaa bato na kwa ya basoyi. ¹⁷ Ndi bonu,ba lebabato,kemani ba kwa endele ba paki ka m'bola na peesi ya bato ba sangi ya kumu mo ngbosu Yesu-Klisto. ¹⁸ Ba likiki ba mopaka bete na ba ngbele ya sunga alia na bato ba botepa bato,baba kpoto na n'fio ongobu onyee; ¹⁹ Bato bua ndu bo gbaaka bato,bato ba nye ba ka na ledumbe. ²⁰ Na kwa ye ngbonu ba lebabato,alamewane ka ebueli te ngbonu te nzaa, ala mambolo sumue mo nzaa, ²¹ Ekpoteleni ka lebabato la kunzi,amalambe bodoki ba kumu mongbosu Yesu-Klisto na kwa ya lewa. ²² Osisani bokina,babakomole; ²³ owosani bodana alamogbula ka boku;na kwa bodana goto,liani na bodoki ba tumi na boo,makome bakwa benyenye ya nzoe. ²⁴ kani,kama bongi bete amobate na egwa taazu pe mame nane mbole wa boonge bo ngee bato bakana na kwa pe na sote, ²⁵ ka Kunzi yi mangini,kumu mongbosu,na Yesu-Klisto kumu mongbosu,boonge,bosii,ngwi na lepkepke,gbene wane mbole bakwa yaazu pe na babiti yaazu! Pagobo!