¹ Paulo,moto ma eteya ta Yesu Klisto na peesi ya le babato la Kunzi,mama Timote, ² ka bato bakunzi ba babale ngiito babalee ka Kolosayi,do bete bo dee bakunzi alii na bomu do na m'palu wa Kunzi Abasu! ³ Ta sisili Kunzi mo doo,Aba na Kumu mongbonu Yesu-klisto,pe tadelee maboloni na kwa engbonu, ⁴ tamoyi to nsambo wa ebweli te ngbonu ka Yesu-Klisto pe na lebabato le ngbonu na kwa ya bato ba Kunzi, ⁵ na kwa ya ya lepako la ma bisi kegolo bete nzombi wa bongito,nzombi wa sangi ya Kunzi wama yipi kambola. ⁶ Nduawa ka ngbonu,pe ka n'galu waazu;abotole mbwe,agea alapinga,gobe engbonu goto,do pa mone wa moyi pe mayi pe mbali ya Kunzi ngemeneke na bongiito, ⁷ Ngemeneke na magbeseleneki ma ma luu ka Epafelata,ma le babato danu maa nsale,ma alee na kwa engbonu ba sangi mongito ma Klisto, ⁸ ma eyipisi bosu gobe le babato la sumi ma Kunzi amovee. ⁹ Kwa yiya ndi bosu goto,do pa monee wa ta moi kwa yiya,ta gwakele bolee ya Kunzi na kwa engbonu,pe ta mbolo lee bete matumi na yipe ya kwa gobe yii abayi,na ndate ya yipe ya kwa yaazu ya le Kunzi, ¹⁰ na kwa ya tangee ngemeneke gobe Kunzi abaa le pe bete ma pee sote,ala malia na mbwe ya bakwa bee nzanza yaazu,ala ma pingaa na peesi ya yipe ya kwa ya Kunzi, ¹¹ Bipakani na bakwa yaazu na peesi ya ngwi engee ya bowongee, na kwa bete ma lii babiti yaazu na sote,na geke,na meleme osaa. siseni mo doo ka Abaa,mo opi bonu ngwi bete ma luu ¹² ma daa ma bato bo nzaa ka bowongee, ¹³ ma ekoleki bosu ka ngwi ya n'didi pe ebasi ka le kumu la mii na lebabato le ngee, ¹⁴ na yii na luu lewa, na maasee ba kwa be enyenye. ¹⁵ Alee elilimbi ta Kunzi ma ka menane,mi ma m'bola ma bakwa yaazu. ¹⁶ Na kwa bete ka ngee ba zii ba kwa yaazu ya alee kegolo na ya ka dodo,ya menana na ya ka menane,bokumu,boyuwa,botwa. Yaazu bazii na peesi engee pe na kwa engee. ¹⁷ Alee mbole wa bakwa yaazu,pe bakwa yaazu alee na kwa engee. ¹⁸ Alee moe wa nzoe ya ngbale ya Kumu,alee moto ma atangisalee,moto ma ba boti ka m'bola ma bato ba ba kwi, na kwa bete alii moto ma ka mbola. ¹⁹ Na kwa bete Kunzi abayi bete le Kunzi laazu alii ka ngee; ²⁰ abayi bete na peesi engee mangene,ba kwa ya lee ka dodo na ya alee ka golo,ala apa bo dee na peesi engee,na peesi ya bango ya m'baaso wa ba ngbalaki ke soo. ²¹ Pe bonu,malikiki ba bia pe ba bankula na peesi ya nkemano ongbonu pe na peesi ya ba kwa engbonu beenyenye omosisi pe na lekanda na peesi ya kuwa ta nzoe engee ²² na kwa bete ma menane m'bolee ongee na bonzaa,bato bonza ba kaa na kwa, ²³ aa gobe mayengi pe mapingi be gbee ke ebweli,aa gobe maa sisi ntinde meleme ongbonu ka sangi ya ma moyi,ye basangi na bakwa yaazu ya alee ka sina ya moonee,ye me Paulo,be bisi me ba sangi. ²⁴ Na lee na sote ka ngame ka m'bengo na kwa engbonu,pe ya ka lee ka Klisto,na mase lee ka ngame ka nzo, engbonu,nakwa ya nzoe engee alee ngbale ya Kunzi. ²⁵ na kwa yiya ndi lee bisi me ba sangi, ngemeneke na nkumbe o Kunzi epime me na kwa engbonu,na kwa bete na kpeteke be ngbee n'zombi wa Kunzi, ²⁶ Kwa ndele esomisi na ngbe yaazu,ewanisi gbene wana ka bato bo engee bonzaa, ²⁷ e Kunzi abayi bete amenisi elua te nzaa ta ba kwa ya esomisi ka bato ba ba bwi:ba nyipi Klisto ka ngbonu,nkemano wa bowonge. ²⁸ Ma ta nketa lee,to wane bato baazu, pe to wane bato baazu na ndate,na kwa bete ta n'wane Kunzi moto waazu a dee moto onza ka Klisto. ²⁹ Na kwa yiya ndi na zalee n'sale,ale na dua na ngwi engee ya ezalee ka ngamee.