¹ Mokee,a Kiliya moto mo Nkunzi abayi na bami mongee Nkunzi abayi to goka me go bato bale ka sole ² Na kwaye engito ya alile ka ngboso ndi tayengale ba biti na ba biti ³ Do bete mbali,bondoki pe sote ali na basu soyi emoti na Nkunzi ya sole pe lebabato. ⁴ Na tumi na sote nanone ba mabe ba tanga ngito,kokone na magbeseleneki na taluka Aba. ⁵ Gbene wane kwayene ne kogonel Kiliya, ka bete menekololekele we mogbeseleneke mozongo kasi pa modile omoyi ka mbole bete ta banene. ⁶ Lebabato,azalebete atangee mogbeselegene, ale mogbelegeni makweye ta zele gobe tayi te pupi. ⁷ Bato bo buwa ka bayibi Nkunzi ba bisanga Ngali ha ba pagale bete Yesu-Klisto ka binanzoyes, kani n'amo, ali mbapane pe bankule Klisto. ⁸ Ebatani bamo magini,na kwa bete ma makebuyee yesale gbano,kasi malugbe na kwayiya wasu. ⁹ Motosi na mageamayi pe kayingi kalewa na klisto kana Nkunzi,mayenga kalewaneiya ale na Aba na mi. ¹⁰ Hagobe moto abi kangbo na pe kabi na lewaneno,kaka kponeke kanga ka gbale,pe ka kope esabi. ¹¹ Na kwayebete moto ma sambi eyo na ba kwayengee egnegne. ¹² Songo panalikiki na ba kwa ebuwa bete no kolele,na bayibete naze na koleli pe na ekasa,kasi na kemale bete na bui na mali,ta belake na bono ngake na ngake,na kwa bete sote gbosu asungi. ¹³ Bomi bamama moka ma bapani opi sambi.