1 Polo, boto'amboloko ona Yesu Kilito, koko onomony'oka Timote, ena filemo, onokis'olangaka koko onomony'oniso a lokendo l'osala, 2 la mbangel'eniso'oyoto eka Afiya, l'ehili'eniso eokindo'alokendo eka Alakipe, koko en'ekelesa eyali en'otumbo'nee: 3 Tsikok'oka ngandji la mwi eyale l'inoatu enuulyo'na Ndjakomba bahango'iniso koko Nkolo'eniso Yesu Kilito! 4 Naha bisike bihitu ngandji eneka Ndjakomb'enami, la nkokanisa ena mbondo'inami, 5 latsin'oka bansumolaki latsin'ena eimelyo ene'e enaata'ee eneka nkolo Yesu koko la lolango lone'e eneka besatu behetu. 6 Noluuholo'okate ndjaama ene'e ena eimelyo eyale lotsili mene latsin'ena Kilito, loyakotola biunu behetuu bi'olotsi. 7 Naata, nk'oho,na ntumia biike b'enyanga koko la mbengya ena litsina lya lolango lone'e; latsin'ene'e, onomony'onami, botem'ona basantu baataki mwi. 8 Latsin'eho, kangooka laata eneka Kilito bosomi bohotu ba nkokotela baoi banakoli, 9 lambala biike ena lina lina lolango lina lya kolak'emi loondo, buun'olemi, Polo, botundu, koko laikina isang'ane boto'amboloko bona Yesu Kilito. 10 Nakoondela latsin'ena bon'onami, onokem'ootaka kuma ndjali en'eekoli, Onezimo, 11 onoyalak'i'oso boka ahalitsina enek'ee, ohonde isanga'ne amaata litsina, koko l'ee koko l'emi. 12 Nokotomel'ende, onoyuume ena lihumu linami'amene. 13 Sokolanga nd'oka ndjokakatsa enokenge'onami, latsin'oka akambise enesangene'e, bisike biyali'emi ena bekoli latsin'ena bosim'onolotsi. 14 Mbal'ihitu, ntalanga nkamba enuuli ba lokatsi lone'e, latsin'oka bolotsi bone'e botayalake yooka bayasokolya, ohonde boyale ba mpos'eneamene. 15 Bimo'isike omokahuana'ale latsina mwa esike, latsin'oka ootane seko seko, 16 eha yooka boombo, ohonde yooka onole ena liko lina boombo, yooka onomonyi oalolango, lemiamene,koko le'e laikina, eyale kang'enanyonge, eyale kang'eneka Nkolo. 17 Kum'okate ontangem'oka ndjali ehili'ene'e, olaambe yook'emiamene. 18 Koko kuma bamookokambel'omolemo boowe, yombo bakolana nkohaka bomolemo, kitsa latsin'enami. 19 Emi Polo, nakokotela ena likasa linami'amene, longofut'olo, latsina ohats'otendok'ate ole nde latsin'enami. 20 Nkoho, onomonyi, mbate eneke'e inikotam'ine,eneka nkolo; ekitsa botem'onami mwi eneka Kilito. 21 Buunonokemi'otangaka lihiko line'e nden'ekemi'okokotelaka, latsin'eey'oka ongokamba ndekanya buuno'atend'emi. 22 Binisik'iho, ombongelya esanga eambetama,laho niimelyoka naata, ngandji ena mbond'inino. 23 Epafasi,onomony'onami oombo eneka Yesu Kilito,akosangela, 24 la Malako nk'oho, Alisitake,Demasi,Luka,banamony'anami ba lokendo loosala. 25 Tsik'oka ngandji ena bokondji'oniso Yesu Kilito eyale en'olim'onino!