Etenyi 1

1 Mpaka, Gayusu, efili enami alolango, nko nalanga emi so solo. 2 Efili enami alolango, la kanelia okatee ongomonga ena nyonge koko oyale la nyonge bolotshi nko ena bolimo. 3 Ndjali la tahili le nyanga binisik'iki yo hompuswaka nko bahosimo la batatoli buun'onakend'ee ena sosolo. 4 Mpana enyanga enokolo oka nko k'at'ee bana nami bake nda la solosolo. 5 Efilie nami onalolango, enuno bwakamba bolotshi la baana mpame, nko la baana ba mpame banayaki, 6 Banato bahaki litatoli lya lolango lon'ee en'oso bilombe. Ongokamba bolotshi boka oongya ena lokendo lon'iyo l'uan'omonya ponokoli la Ndjakomba. 7 Latshina oyo lina lina Yesu Kilito enekiyo otshaka ba taata le bolem'omoko eneka bapagano. 8 Tongamba bahato baho la tshina hokat'ee tokambele iyo solosolo. 9 Mookota bamonyi baina ba loondo ohonde Diotelefe onalanga ndjala boto noso eneyali bana monyi batotambake. 10 Latshin'eho yombo lalanga kehena la kafolia bikambu binande binakambende latshi ne niso baoyi banase ki'owe koko afasi mbineho ohonde endeamene afatambe bifili nko afekya iyo nasokolanga oyatamba amapkola en'ilombe. 11 Efili enani alolango taki lake bowe ko niyo ohonde kila balotshi onilolotshi bo na Ndjakumba onongi lowe afenaki Ndjakumba. 12 Imoatu, koko la solosolo ende'amene haka litatoli liolotsi eneka Diotelefe; iso nk'oho, tongoloha litatoli, koko e'ey'oka litatoli lin'iso lile nko soomene. 13 Mbataki baoi biike'oka nkokotele, ohonde mpakambake l'aase'ankota koko la likonga. 14 Lokaneliok'ate longokeena isangamene,koko tongotenda bonyua l'onyua. Tsikok'ate mwi eyale l'ee! Banamonyi bakosangela. Sangela banamonyi, boto l'oto l'uun'onande.