¹ Mpaka, Kiliya onoponamaki koko ban'anande, banalang'emi ena sosolo, koko ehemikei onaalanga, ohonde boto'endotu oneeyaki sosolo, ² Latsin'ena sosolo ena tonga liso, koko enengoyala l'iso lotsuela: ³ Tsikoka isei, ngandji koko mwi eyale lino enuuli bona Ndjakomba bahango koko enuuli bona Yesu Kilito, boon'ona bahango,ena ntoto'ena sosolo koko la lolango! ⁴ Ndjalaki l'enyanga ea lotsili enekimi'eenaka baanane banayakende ena ntoto ea sosolo, la buuno b'eleka bekis'ataka eneka bahango. ⁵ Koko isanga'ane bolemo bonabakolombemi, Kiliya, eha yook'onakokotela bomo'oleka ba sika, ohonde bonokiso'ataka matsa nko limatsako, aate'oka tolangane iso'amene l'amene. ⁶ Koko lolango loongand'oka lokende yook'eleka benande. Nk'aho nde boleka bonokol'ino nkenda lo'oho, buunonok'ino'aataka matsa nko limatsako. ⁷ Latsinoka biike baato banakoholya bamiingela enokili, banahiimelyoka Yesu Kilito ayaki nde la nyonge. Onoyali boho, ayali nde boto onakoholya koko onohimelya Kilito. ⁸ Boyotombanya inoame l'amene, latsin'oka bohats'oyuungya bomuma b'osalal'onino, ohonde baate nde lihutsi lina lyokolo. ⁹ Boto'endotu onatsua bosana koko ahatsikala en'oleka bona Kilito ahana Ndjakomba ena ntoto'enande; oniika enuun'o b'oleek'oho ende aata nde bahango la boona. ¹⁰ Kuma omo'oto aoya koko ahana bokolek'oko, botalaambake en'otumb'onino, koko bot'otendelake'oka: omoya! ¹¹ Latsina onatend'oka: omoya! asaangana nde l'eesal'enande biowe. ¹² Kang'olemi la baoi biike boka nkokotele, ntalanga nkamba la lokasi l'okanda koko la likonga; ohonde naata lokanyi la ntsuaka enekino, koko nkosumole bonyua l'onyua, latsin'oka enyang'eniso eyale bombimba. ¹³ Baana banambangel'enee onoponamaki bakosangela.