¹ Yude bayó wo Yesu kilisitó no manye yakobó, no bhombi bhomó ebhá Mongó tidóo abhokondá, ambobhonapeyá ana mbámbá akomoni ko Yesu kilisitó: ² Ikoko, egyagya no bhokondá yonematanekeyá. ³ bhanduku,minyosigobé mane ndekeya akumoni ko heya ngeyo ndeso, manendekeya ninu kunindjo mapano ko mongo a komoni koendowa ngiyo baya eya bandjo bhombi bho metema yetu. ⁴ Bhombi banikumunikiyo bho bhebhe bhambeyana djene kodjene ika banitaniso bhu ldo bho Mongo ako panzana nokoyaa Ngama ngiyo ndeso Yesu kilisito. ⁵ Mokonda ninu kotungiso bhomo mbise wo Ngama nisu kuhiiso no kiniso bhombi an'Ezipito ,awa bhombi yo metema yee bhebhe; ⁶ no bha titima bh'abee ngobha bhakyeya djene bho bhebhe bhakusibho nebho kofa nokosanga none bho kigiso amati wumomo ngoo kingono ako bisi bhodja bho Mongo ⁷ sodomó no Gomoló no lhikombó ngilhu tinene na bhó ,ibha bhandjonó nendambó no moni koobhebhe komó ,muni kabhokyeya noo ldyaa ngiya mbaa siyó. ⁸ Abana nda nane bhombi bhomo batambiso ndoto ngiyo ndabho no bhagbanga kesokobha, nokona bangama kesokogbane no kozeyaka ebeba yo mongo. ⁹ Ngamá wo ba titima bho Mongó Mikaeli,azeaka komo Abee iyabhinyoo kowana mondá wo Mosa ,inyosigo: Toko ngamá atená moni kosóo. ¹⁰ Ebhoó bhayakanaká toko no zeanaká no moni ngoká bhambo kombeyá no kyenanaká kogbaye ,bhombi ngebha bha mbeya ekyeme. ¹¹ Ikoko nabho ndjo bha kpatá moni ko Kaina, kotseka mwane ekyeme ngiya ya yangisó Balamá, bhayangaa nomoni kobhokaye bho Kolé . ¹² Ya moni kobhébhé amati wo egyágyá yo bho kondá ngobho na kangáná tokó amati wo ndeno. lhekobha ngelha ldamboo no mepó mahuwo wa tito,mate ngoka kambó no lhipumo; ika kawu nese kapene djo ya mbokomo noo mii. ¹³ Mahuoo ngoko bhokaye ngeka kabhaa iko lheyi, bhagiso bhobhebhe bho ndabhó, no ndata ngiya yeyenganaké, iya bhabhanapeya umomo ngoo bhokaye uwambusiyo sinani. ¹⁴ Akebho Enoke,gwa malheya akongwa aka Adamo ,ayaka bho : kanga N Ngama aka no bhatitima bhadja, ¹⁵ ko bhaiso bhombi kubhubhoo kotena ngbanga ngeyo ndabho,no tsekanaka ngiya bha tsekanaka ,no maldáldá ngobha komo zeyaké ako bhombi bho bhébhé . 6 Yinyo bhombi ngibha bhinyo yakanaka amati wo metoma, bhinyo ndendenaka akumuni kondabhó, bhinyo kendanaka no taa yoo ndoto,no maldalda ngoko ndabho kembokamboka, iye bibise bhombi bhomo djo bhopatana mwane ekyeme. ¹⁷ Inu bhanduku ,tunguweni moni ngoka bhakpataká bho Ngamá ngeyo ndeso Yesu kilisitó batepaneyá djené. ¹⁸ Bha bhoyakeya djene wati ngiyoopipiyo ya bhiyo nu bhombi bho noé bhombi, ibha bhakokendá no taa yo ndotó; 9 ebho ndjoo bakopanza bhombi,bhombi ngobha bhambokomo notoma wotu. ²⁰ Akinu bhayoo,mayiseni bho baya ngobhondeno yee ngbiinbii, no kolhomba ako Otoma ngoo Wotu, ²¹ kpakpanekeyeni amati wo bhokonda bho Mongo atingiyo kakusibho ikoko yo Ngama ngiyo ndeso Yezu klisto akobho heya ngebha bhambosiyo sina. ²² Hateni bhombi ngebha bha no baya ye kpalhapkalha; ²³ hiseni bhombi ngobnomo no nabho kiso amati wo nyaa; no bhombi bhomo ,bhokangeni no otoma wikoko no hobha, no koyaa epoko ngiya tambeya no bho bhebhe bho ndoto. ²⁴ djo mombi ngiya ate pemakaya no bho bhebhe iya ti bhwiso apee ebeba ngiya mba kyeya no bho bhebhe no amati wo egyagya, ²⁵ ako Mongo mambenyongo,no ngama ngeya ati hiiso ,no ngama ngiyo ndeso Yesu klisto,ebeba, angu,bhobhombomo ibha faniso djene, no ketaketake no amati wo makwaa no ma kwaa! ya bhwane!