¹ Yezu alinde asambelea soe emoti go. N'edheli amasii, moyekoli monge omoti ampaga: Kumu, ewanisia bhisu sambelee, ge Za owanisinde bhayekoli bhonge. ² Opagando: N'edheli masambelea pagani: Aba! lina lengo bhakumisi, legoto lengo ade. ³ Epa bhisu eyeli ta biti na biti; bhoselea bhone bhongbasu, nakwate bhiso lokola tobhoseleaga bho bhezi bhiso kwane; pe kakedhe tagui te na mazoloni. ⁵ Opaga goto: O omoti mongbanu ale na pombode, pe agea antanea ankpoto wa biti nakwate ampage: Ada, ledhipisa mampa osalo, ⁶ nakwate dame omoti adu lebya bi engame, pe tale na tomate temoti te tenampa, ⁷ pe o pa ange angbale pombode mo ansisii: Kaa kolokabheage te, empomu adhidhiani kala-kala, bhami bhongamealile, tekuki te nayama nope mampa, - ⁸ Nale namopaga, ata okayama nakwa ampe ete ale pombode te, ayamando nakwa enkabhakwa onge pe ampando yaazu ya abhaa. ⁹ Pe me, nale namopaga: Konga, pe bhopatondele; kabha, pe omenatondele; gongo empomu, pe bhowuliantondele. ¹⁰ nakwate moto waazu ma akonga, azuato, ma akabha amenato; pe bhan'wulia ma agongo empomu. ¹¹ Kane mo abanami a kati-kati engbanu ampandele maane lebogo, o ankungi yi mampa? To, o ankungi ensi, ampandele yi nzooasoe ya ensi? ¹² To, o ankungi lemeya la koo , anpatondele malegwegwe? Wo ndo, bhino bhato bhone, mayibatope tomate tenza na bhamanabhanu, Kana asoe mingi Abanu mo koogo amopandele Elimo-Santu na bhaazu bho bhankonga yi. ¹⁴ Yezu anbhea zabulu malinde bhubhu. O zabulu apupi, bhubhu mo adhela, pe entutu wa bhatooyema bhekpekpe. ¹⁵ Kasi bhaada bhapaga: Pa na Belezebulu, mokonzi ma bhazabulu, nde yi obhea bhazabulu. ¹⁶ Pe bhaada, nakwa bhakengee, bhankonga elembo temoti atusia koogo. ¹⁷ Ge Yezu ayibinde layi engabhu, opaga ndo: Legoto laazu la agbaleaniankpotowua aguato, pe ngbale agua agunale ngbale yaada. ¹⁸ O Sumui egbaleani yi mamoti, ndenge esisina legoto lenge ayamandele, nakwate male mapaga ete nale nobheya bhazabulu na nguyi ya Belezebulu? ¹⁹ Pe o me nobhea bhazabulu na nguyi ya Belezebulu, bhami bhongbanu, bhobhea na nguyi ya kane? Nakwayia nde bhu bhalindele bhazuzi bhongbanu. ²⁰ Kasi, o ali na ensewu wa Kuunzi ndenobhea bhazabulu, legoto la Kuunzi adule bi engbanu. ²¹ O moto ma nguyi pe na bhagbundu asenzelea ngbale enge , bhasoe bha enge yaazu ale emondeleaga enza. ²² Kasi, o moto mo okpekpe ansoo yi adu pe an'dopi, an'gbulia bhagbundu waazu ye abisinde enmeleme aso, pe agaba bhasoe bhaya ya agbuli. ²³ Mo kale naame, yi alekomo me, pe mo ka kandi soe emoti name yi apanza. ²⁴ O biimo apupi bya moto, agea na soe ali ekpekpe kabhootisi eyeli te, nakwa akabhage yombie. o kameni wtw soe emoti teapaga: Nasiandele na ngame angbale asoe natusii aso; ²⁵ pe n'edheli ade, ataneaa bhakpazi pe bhakona bhafololo. ²⁶ Agea ova bhiimo bhaada sabha bhengaa bhan'soo yi; bhayingya na angbale, bhepia wo, pe bhike yenzongo ya moto mo ade ene asoo yende ya ambola. ²⁷ Pa gee Yezu alinde adhela elelya yo, enka omoti, adhaisa enmeyo ankpoto wa entutu ta bhato, ampaga: Edhengeleage sopo yende okumbi! edhengeleage mabheme monde olungisi! ²⁸ pe yi asisa: Edhengeleage kasi bho bhawoo lekpeta la Kuunzi, pe bhabisa lu! ²⁹ Ge bhato bhabhandinde bhatuma entutu, abhanda apaga: Lekopo le ale lekopo lene; ale akonga kwa eyema; bhopandele pakwa eyema ya Yonasi. ³⁰ Nakwate, ndenge emoti ge Yonasi azinde elembo temoti na bha Niniva, ndenge emoti Mi ma moto alindele nakwa lekopo le. ³¹ Enkokpe ma Osele ayamandele, biti ya ngbange, na bhato bha lekopole pe oguisandele, nakwate yi atusii a sunge dhoote nakwa awoo ndate ya Salomo; pe mondani ambola engbanu ma ansoi Salomo. ³² Bhato bha Niniva bhayamandele, biti ya ngbange, nalekopo le pe bhoguisande, nakwate bhu bhapasitonde enmeleme nakwa kpeteyeya Yonasi; pe mondani, wane ale mansoi Jonasi. ³³ Moto kapeyisi tala na kwate abisi aswe esomisi to ase ya kiti te, kasi bhakisa koogo nakwate bhato bhayingi bhemenelee talayia. ³⁴ Liso lengo ale tala ya nzoe engo. O liso lengo ale bhedhe, nzoe engo yaazu amenana to; kasi o liso lengo ali na egopi, nzoe engo ale a en'dhidhi. ³⁵ O nzoe engo yaazu ale amenana na kwa tala,eteni temoti te kaale a en'dhidhi, yaazu amenana, ge n'edheli tala awanisia mwinda monge. ³⁶ O ndo nzoe engo yaazu ale emenea, ata eteni temoti te kale a en'dhidhdi, amenanandele yaazu, ge n'edheli tala opeelea na mwinda monge. ³⁷ Pa n'edheli Yezu alinde adhela, mo falizeo omoti ankonga etet adu ayaye bi enge. ³⁸ ayingiando, pe epia a mesa (ayeya ) na yi. ³⁹ kasi Kumu ampaga: masosa ensenge wa ebhaa pe ya saani, pe asopoyia, ale matumi na kubhaa pe bhone. ⁴⁰ Bhapepe! Moto mazi ensenge wya kana go payi nde azi sopo yia? ⁴¹ Pani ebuwa na legabo tali a sopo, pe mondani, bhakwa bhayaazu adendele ena bi engbanu. ⁴² Bhodogi na bhino, bha falizeo! nakwa te mafuta moko na zumi ma manlumba-lumba, ma peesi, pe ya lembasa laazu, pe makomo bhosembo pe lebhabhato la Kuunzi: yo nde akonga ete mazelee, go kaa madhe bhakwa yaada. ⁴³ Bhodogi na bhino bha falizeo! nakwate mabha bhakiti ya ambola a sinagoga, pe bhamokpomeage a ensenge osi. ⁴⁴ Bhodogi na bhino! nakwate male ge bhakunda ye kamenane, pe agunalia bhadhetaga go bhayibi te. ⁴⁵ Nganga mayele ma nobeko omti ava enzombi, pe ampaga: Pa opaga go we ole ekpana go bhiso lokola. ⁴⁶ Pe Yezu asisia: Bhodogi lokola na bhino bha nganga mayele bha mobeko! nakwate mokumbisa bhato na ekumbe otuwa wo ete bhato bhakumba, pe bhino go mapote ata bhino bhemoti na ensewu omoti ongbanu te. ⁴⁷ Bhodogi na bhino! nakwate mapiisabha kunda ya bhaplofeta, bho bhaabanu bhomonde. ⁴⁸ Male bhawanisia polele ensale wa bhaabanu, bhe bhino mabhuyia wu; na kwate bhu bhomonde bhaplofeta pe bhino mapya bhakunda engbahu ⁴⁹ Kwayia nde ndate ya Kuunzi apagi: Notisiandele bhaplofeta pe bhapostolo; bhomondele bhobhe pe bhokabhisiandele bho, ⁵⁰ nakwa ete bhakonge na lekopo le bhango ya bhaplofeta bhaazu yende adhuani bhanda emponge wa mokili, ⁵¹ bhanda bhango ya Abele tii bhango ya Zakalia, bhanmondele kati-kati ya (lezaza) aletale pe tempelo; hein, nale namopaga, bhakongandele na lekopo le. ⁵² Bhodogi na bhino bhanganga mayele bha mobeko! nakwate matuusi lefungu la ndate; bhino bhemoti maayingiyi te, pe mokangiyi bho bhabhayi ete bhayingiyi ndele ⁵³ N'edheli yi apupi wo, bhandombevpe bhafalizeo bhabhanda bha dhuusa nanguyi ete , pe adhelage nakwa bhakwa bhebuwa, ⁵⁴ bhampeteya mogbe nakwa bhawanisagi lekpeta la apupa ange anoo.