¹ Na bhino magwinda, bhato bha mosolo! Gamani pe gamuagani, nakwa mawa maadoole agunale engbanu. ² Mosolo mongbanu apoyile, pe bhangombe bhengbanu bhayile na bhabholo. ³ Wolo engbanu pe palata engbanu agagile, pe gage yia adhayi amosongelee bhino, asumbagande bhesui bhengbanu ge bhoogu. Mantumisi mosolo ma bhabiti ya sunga! ⁴ Mondani, lefuta la bhto bha ensale bho bhagboli matiya mongbanu , pe mobeteleagi miso, ale agamuaga, pe engaamo wa bhato bhobhagboli matiya adhayile tii a matewu ma Mogoto ma bhasoda. ⁵ Mali nde a dhodho na eloole pe na bhasoe bheelemana, makuti anmelema biti bhato bhakwi ge bhanyama. ⁶ Man mo moto ma semba mo kamodhuusi te . ⁷ Liani na enmeleme okia , bhamibhama tii biti Kumu asiandele. Mondani, moto ma aguba matiya alambea lembuwa lenza la doote, na enmeleme okia aaso, tii n'edheli mbuwa ya ndobho ekedhe pe ndobho esi aloo. ⁸ Bhino lokola, liani na enmeleme okia, bibisagani enmeleme ongbanu, nakwate sie ya Kumu adele ebina. ⁹ Kaa masongoleanagani bhino na bhino, bhamibhama, nakwa made na ngbange: mondani, zuzi ndayama an noo empomu. ¹⁰ Vani, bhamibhama, ndenge ya egoni pe enmeleme okia wo bha plofeta bhonde bhadelii na lina la Klisto. ¹¹ Mondani, tomaa bhasantu, bhato bhonde bhonyokoli na enmeleme okia. Mawoito bhatangusiaga enmeleme okia wa Yobo, pe mamenito sunga yia ye Kumu an zilii, nakwate Kuunzi atumito na nguyi pe na bhodogi. ¹² Ambola ya bhakwa bhayaazu, bhamibhama, kaamalape ata na lina la engali to na lina la dhoote te, ata na seleka bhole pomoti te. Kasi pago mongoo ali pago, pe ndaa mongoo aqli pa ndaa nakwate kogwi na ngbange. ¹³ Moto omoti kati-kati engbanu ale angayea? asambelee. Moto mada ale endhengeleaga? Anduu na lekumu. ¹⁴ Moto omoti ale anzegea? Omaa bhato bhe ndeele bha Lingomba, pe bhato bhendeele bha Lingomba bhasambele nakwa enge, pan nkpiagilekawu na lina la Kumu; ¹⁵ lesambo la bhoyambi an wuusato moto man anzegea, pe kumu an yamisato; o azinde kwaene, ansabolato. ¹⁶ Tangusiagani bhakwa bhenene engbanu bhinu na bhinu, pe sambeleani nakwa engbanu mamoti, nakwate mawooe. Lesambo lekpekpe la moto mo semba ale na nguyi esi. ¹⁷ Elia ali nde moto ma ndenge emoti ge bhiso: asambili ndele nakwa ekpekpe ete mbuwa kaakaloo bhole pekedhe te , pe mbuwa kaloinde bhole pekedhe te naa dhodho antinde gala esalo na tembe sita. ¹⁸ Adoo goto asambelea mbala yada, pe koogo adoo apa mbuwa, pe dhoote abhotisa bhambuwe ¹⁹ Bhamibhama, o moto omoti kati-kati engbanu awumanagi mayii na bhosembo, pe mada asilia, ²⁰ ayibi ete man sisili dee a peesi awumanagi aso, awuusi molimo momoti na kuwa pe akobheagi masumu mebua.