¹ Bhamibhama, bhoyambi bhongbanu na Kumu mongbasu Yezu-Klisto kakali na gbaage bhato. ² Tapage ete , mbala emoti, moto omoti atubha empete wa wolo pe bhangombe bhenzanza ayingia angbanu lingomba, pe moto mada ayingia atugha bhangombe enoanaga, ³ o me paasi mamena moto ma atubhanagi bhenza mampaga ete: we, epya wane asoe ya legoto! pe o mampagi na mozangi ete: we, yama koogo wo to we, epya wane ebina na matindi mongame! ⁴ angbanu amelema kale mogbaaga bhato, kale mopono bhato na emeleme one ongbanu? ⁵ Wooni, bhamibhama: kana Kuunzi oponito bhazanga a miso ma mokili, nakwate bhade na mosolo ma bhoyambi, pe bhamangina mada ma lekumu le opagilii bhato bhan bhaa yi? ⁶ Pe bhino ale mobosaga bhaazanga! Kana pa bhazwi bhuu nde bhamonyokola te, bhamosongeleaga na ngbanga? ⁷ Kana paabhu nde bha woo na kpodho mana mongbanu te? ⁸ O mangemisiagi mobeko ma kumu, ge Walaga akomi: on bhaa daa ge we mamoti, ale oza enza. ⁹ Kasi o oli oponogo bhato, ale oza kwaene, bhobhanda na boloko ge moto ma ngbange ene. ¹¹ Laani ete, moto mapagi, ete kaakoyange n'enka ma moto te, go payi nde apagi ete kaakomo moto te. Kasi o koyangi n'enka ma moto te kasi omo moto, odele moto ma boloko ya mobeko. ¹² Dhelani pe zani kwa ge bhamosambisande na mobeko ma bhonsomi, ¹³ kasi ngbange kali na bhodogi te nakwa moto mo kali na bhodogi na bhadee te. Bhodogi nde aguisato ngbange ¹⁴ A bamibhama, kwasina asoi na moto ma apaga ete yi ale na bhoyambi, kasi kawanisi bhoyambi bhya n'ensale te? Bhoyambi bhya akukato an wuusa? ¹⁵ O mamasu molo to enka bhale bhakoo bhandumbu pe bhayanga nzaa bhabiti bhayaazu, ¹⁶ pe danu omoti opaga nabhu ete: geyani penza, wotoni bhogu pe makuti! pe bhino moopi tomate takungi nzoe engabhu, mosalisi ndo na etee? ¹⁷ Kwayia ale ndenge emoti na bhoyambi: o kali n'ensale te, akwile yi mangana. ¹⁸ Kasi moto maada apaga ndele ete; We, ole na bhoyambi, pe me, nale n'ensale. Lewanisia me bhoyambi bho ngoo bho bhale n'ensale, pe me, nowanisiando bhoyambi bho ngame na ensale ongame. ¹⁹ Obhuyia le ete Kuunzi ale payi mamoti, we ole oza kwanza; bhazabulu bhabhuyia lokola , pe bhalulumana. ²⁰ O bhato ete oyibi, uwi moto ma pamba, nde bhoyambi bha kongo bho bhale n'ensale te bhale na entina te? ²¹ Abalama, abasu, bhan desi moto semba nakwa ensale, n'edheli ampi mimonge Isaka agunale ya lekenga-lekenga te? 2 Monda te ete bhoyambi alinde azelea ensale, pe ete ensale wa bhoyambi adundo angemeneaga. ²³ Goo ndi nde angemeneagi kwa nde bhakologi: Abalama an bhulii nde Kuunzi, pe nde bhampagilia ngbange enza; pe nde bhan mayi ndo ete pombode na Kuunzi. ²⁴ Mameni le ndo ete en dumbe awoagile pa n'ensale onge, te kale pana bhoyambi kongo. ²⁵ Laabu mo ndumbakana bhawusagi nde pa nakwa ensale, n'edheli ovinde bhan entetelea ange angbale pe owanisii peesi yada ete bhage? ²⁶ Ndenge emoti ge nzoe ye kaale na molimo akwa, go pagoo bhoyambi bho bhaale n'ensale bhakwa.