¹ Nakwayo nde,me Polo,moto ma boloko ma Klisto nakwa engbanu bhapagano.... ² o mayibi ata bhole ekedhe ndenge esisina legoto la bhodogi bha Kuunzi, bhalepi nakwa engbanu. ³ Alige nzayi nde bhalewanisi mayele ma bhakwa esomisi ye natusi namokolologa ekedhe pato . ⁴ Pa o matanga nde makukato mayibi mayele sina mo nali namu ma kwa yesomisagi ya Klisto. ⁵ Bhawanisi na bhami bha bhato a mangbongo mendele te, ge amenanile maguinda na elimo Santu bya bhapostolo bhasantu pe bhaplofeta bha Klisto. ⁶ Kwa ye esomisi yo, nde ete bhapagano bhale go bhamangana mada, bhaza nzoe emoti, pe bhale bhalambea pa lepago lemoti la Yezu-Klisto a pesi ya Sangi, ⁷ ye me nale moto mokpe ma ensale angemeneagi na legabo la bhodogi bha Kuunzi, ye bhalepi na ensale wa nguyi enge. ⁸ Bi engame, mo okedhe patoto ma bhasantu bhaazu, bhodogi bho bhalepi ete nokpetee bhapagano mosolo ma Klisto kokuki oyiba te, ⁹ pe pupise an enmone ensale sina wa kwa yende esomisi edheli yaazu bya Kuunzi ma azi bhasoe bhayaazu, ¹⁰ nakwate lekele pe legoto lali a bhasoe ya koogo bhayibi elo a peesi ya Lingomba ndate esi pe gudi-gudi ya Kuunzi, ¹¹ ndenge ya laa kale nasunge te yi akukisi bya Yezu-Klisto Kumu mongbasu, ¹² mo bi enge bhiso tade, na bhoyambi bi enge, na bhosomi ete tesesii ebina na Kuunzi na enmeleme omoti. ¹³ Goto nde namokonga ete kale makodhoge te nakwa matungisi mongame nakwa engbanu: ale lekumu lengbanu. ¹⁴ Nakwa yo nde, nagbumaga ambola Kuunzi , ¹⁵ mo bi enge mangbongo maazu a engali pe ase bhalui lina, ¹⁶ nakwatelekumu lenge, mabibage nakwa ekpekpe na Elimo tenge ankpoto enmeleme ongbanu, ¹⁷ na ndenge ete Klisto epii angbanu amelema na bhoyambi; nakwate mebibisiagi ge mosisame pe enkuu okpekpe ankpoto wa lebhabhato, ¹⁸ makuki yibe na bhasantu bhaazu bhokudhu sina, bhomayi sina, bhodua sina pe bhokya sina, ¹⁹ pe yibe lebhabhato la Klisto, la asoi mayele maazu, nandenge ete matumi bhengbu angemeneagi tii na etoe taazu ta Kuunzi. ²⁰ Nakwayo, ma akuki ete aze, na nguyi ye azananale ankpoto engbasu, asoo na ndenge takonga to talaa, ²¹ na bi enge ali lekumu ankpoto ya Lingomba pe na Yezu-Klisto, a mangbongo maazu, bhambua na bhambua! Aliapago!