¹ Ngbongi bambi bha bho djelele,niyekomeyeni ngando djibho,tokooni dhia bobhehu te. Mogendja akakoo bhobhehu,eke na abukeli liboso dha Yaa,Akongo Klisto ake bhosembo. ² Akeyomeene dhikenge apkuliya bhobhehu bhasu,kati ko a ngbanga yaasu te,kasi pe a ngbanga ya mowii mobhimba. ³ Ekabhania mibheko mande,habhowa endimiso bho emodjei. ⁴ Obho okabuke bho:iyo nga amodjei,pe atika bhania mibheko mande,akena na malowa,pe menemene etike te yaande. ⁵ Obho oka bhaneya buka yaande, bhopa bha Mongai bhoke menemene tei yaande: ha bhowa edjei eke teiyaande. ⁶ Obho buki bho ake teiyaande ebhongi bho asombe dje iyomeene yasomba iyo. ⁷ Bhapaani, atike motindo moniye mokaa komeyaka mbi,kasi motindo ma bha he maadjuwa ino bhanda litangi;motindo muwa ma gala eke buka ebhe ekaoka ino. ⁸ Nzoka nde eke motindo moniye mubho mo okomeyaki mbi ino, ebhe eke menemene pambe yande eke pe pambe yasu,bho modhidhi molimwe pe bhohoye bha menemene bhodhoi. ⁹ Obho ake tei ya bhohoye,pe akakiya ngiana ande,ake mee tei ya modhidhi. ¹⁰ Obho okapaa ngiana ande aka emee tei ya bhohoye,na ko endjakwako emoti etike tei yaande. ¹¹ Obho okakiya ngiana ande ake tei ya modhidhi,aka somba tei ya modhidhi,atika djia pambe ebhe eka keiyo,bho modhidhi modhipi bhowene a bhoka a siyo. ¹² Nekomi Yaa aku akuyabho odje moogendja abhoowa inda etumba. ¹³ Bhobhehu banu bhodhidhi bona dhima manga mbi nelindei etumba yaa akuya bho yaa wa heya mameka ma satana. ¹⁴ Ngbongi bhabho bha bhodjelele niyongi nai na ami odha ngudhu. A etumba ya Akongo,dha hi na ngudhu ya bowanga etumba ya satana. ¹⁵ To paa Mongai te ngaindo na loma ndjana etike wa Mongai te. ¹⁶ bhabho basusu bhake posa ebhehu ya mokuku bhoyene meene tei Yaa we ya bwayene, bhoyene we mee ne tei ya we bho okako motindo ma Mongai,amene soko. ¹⁷ Mowi manyo nangando djaino bhobhehu lokoto,obho okahoo metinde ma Mongai ahene seko. ¹⁸ Bangbongi bha bhongi djelele,eke poko ya suka;ndji ayo ki iso bho monguna wa Akongo aka dhowa;bhi leebhe eke na banguna ba Akongo batobhi bha nine abho endje bho eke pokoo ya suka. ¹⁹ Bha abundja toyi yaasu bhaa bhati nzoka nde ebhake bho bhabhaa bhasu ndje bhabhaa nasu nzoka nde bhatike bhasu tei bhandake bhasu ndje bhayemi nasu kasi ena bhoo otobhi bho bhange ndja bhasu bo tike bhasu. ²⁰ Anghanga yanu olisi ngudhu pambeya obho pa mbayo obho ake mosau pe mobhasusu oke basunte. ²¹ Nie komeyi mo bhoo odjemi ngando dja menemene odji bhungeyi ti, pe odjeni malowa madjongi ti na menemene. ²² Nda mogendja wa malowa? Okoobho okabhuke bho Akongo ati Masiya. Modhidhi monene wa Akongo iyo ona ayinga Yaa na mangongi. ²³ Nakonda angoni mogbongi,angoni pe Yaa,okoobho ondimi mongbongi ondimi pe Yaa. ²⁴ Kasi ino,bhoneni a mema mibho miyokino bandakwa litangi okabhaneami a mena mibho miyoki ino ponda kwa litonge,wae waliwabhika na Yaa pe na mongbongi siyo,emoti. ²⁵ Bhobhuna bhu bhobhehu neyo eke bomoi bha seko. ²⁶ Niko me yini yana anghonga ya bho bho bhakapa bhookosoni. ²⁷ Angbonga ya we ngudhu ebhe elisi ino pamba yaande wahela nahu pe ino otabha na posa bha bhaningi dje,kasi ngubhu yonde ya mingi dje ngando susu,eseebhe eke bhobhe pe etike na mokando momoti ma maswa wa bhosembo. ²⁸ Bonghengi bhobake ni bhomoko,mpote dhasu Yesu Klisto kobwundji iso,edhana elikia emene bhusu bhoyo adoo ya eteyo ke bhosoni te. ²⁹ Okendjoni bho ake sebho ndjiyabho akoo abhota mi naande