¹ Litangi nha bhosakwa mosanmbo mope nha Akongo Klisto, mwana wa Mongai. ² Mabho mokemami aabhuku ya profeta : Isaka, sée, nilindi libhoso dhawe toma, iyo wabhongedje edhi djea; ³ Edhe nhoyi nha obho ohahabhebwa teyi ya uma, bhongedjei ndjia ya kumu, emedjani mbhukeni maina. ⁴ Yoani aepundja, eayebatisa teye ya uma, mpe easukwa batisemo bha mawa, angbanga bolimbisi masumu. ⁵ Mangando masumu ma Yudea mpe bangendja basusu bha Yeluzalema bhake padhi nande ; pe, botubela masumu mabhu, bhudhisa batisemo nande teyi nhuwa Yordani. ⁶ Yoane anhaki na esendja ya ngungi dja tito kamela, mpe ainyanga mondili aebekese, mpe ahoháká móo máa bhaapepe mpe na monye ma ndjoi. ⁷ Iyoo asakwaki, bhobhuka : akadhoa lingongo nhambi obho ake nangundhu bhobia mbi, mpe mbi nikokiti bhoolowa, ndiki dja bikhoto bande. ⁸ Mbi, neebatisi bibho na nhuwa; iyo bobatisa bhi na elimo santu. ⁹ napokoena, Akongo aidjawa Nazareti na Galileya, mpe iyo ainhisa batisimo pambe ya Yoane teye ya Yordani. ¹⁰ Mpko iya pundja iyo anhuwa, ayine nhikho nhihubwana, mpe Elimo ayimotitia dje ebenga. ¹¹ Mpe nhoyi nhidjonga yoho nhiko nhibuka : we oke mongbongi wambi neepai mingi, nawe naisa ngando Zambi seesu. ¹² oko napoko ena, Elimo hemolinda Akongo teyi ya uma, ¹³ Iyo ainedjóo masu tuku djine, satana amosengeya. anhaki see moti na tito ba mokanda mpe na banzelu bamosalisaki. ¹⁴ nhingongo nha bhopea djéa, Akongo akée teya Galileya, bosakwa buka ya Mongai. ¹⁵ Iyo abukabi : mpoko ekoki, bokunze bha Mongai bhotoli pambi hombe djani mwema, mpe Yambani mosambi mopele. ¹⁶ Dja angakio na mokubu ma nhuwa na Galileya, ayiyene simoni mpe Andele ngia na simoni, hibho banhumbaki ndjali teyi ya nhuwa; mpoko inhaki bho bhogbuto. ¹⁷ Akongo ayi buka : tutianimbi, mpe niakhoni bhalobi bha bha ngenza. ¹⁸ bhidhe ebhe, bheya ndjali djabu, mpe baimu tutiya. ¹⁹ Aiké ma bhohadi bhobhedu, anyene Yakobo, Mongbongi ya zebedeyo, mpe djaa ngianande, babhoni saki ndjai teyi ya bwato. ²⁰ bhidebhe, iyo aibhabheya; mpe bhaiye sangiwe bhu Zebedeyo teyi ya bwato na ngendja ba elomo, ibho bhaimo tutiya. ²¹ Bhaitola akarfarnaimu. busa bayenga, Akongo aiyingia teya asina goga, mpe aibanda bosakwa. ²² Ibho baitungesama na bho tata bhabhu; bho iyo asakwaki dje mokanzi, kati dje baememe te. ²³ Aitana teya senagoga yabhu momi omoti iyoanhoki na elimo emoti ebheku, mpe anhaka apholowa. ²⁴ Teyi yasu nawe, Akongo wa nazareti ? iwe angbanga yabhoe bhungiza. nidjei bho oke mosantu ya Mongai. ²⁵ Akongo aiyo motungisa, aye bhuka : nha bhobhi, mpe pundja amomi yabo. ²⁶ Molimo mobhehu moye pundja amomi, bho moye moningidja makasi, mpe ayi ifa pkoluure emoti makasi. ²⁷ Basusu basondjei baibanga, pbayia edjo bhabho na bhabhowa : ebhe ekeye ? bho taata bhoniye : akalinda na Bokanzi na kwa milimo mibhehu mpe mika motosa : ²⁸ Mpe masombo mande mapadjani teya siyo isusu dja Galilea. ²⁹ Nhabho pundja asinagoga, bhaikeye na siemoti na yakobo mpe na djaa amongita ma simoni mpe andele. ³⁰ Bhokiyo ba simoni anhaki asami, ahokhe duka; pe bhidhe ebhe bayi mobukia Akongo apkia yande. ³¹ iyo aindinde pambi, iyo ayehema aipeya bho mand mpe ma bhotehedu duka aike. iyo aibandu bho basakisa. ³² Namokho, nhingongo nha botita bha moi, bai monhoia basusu babhipeka. ³³ Mpe ngando esusu bhanhaki bhasangana libonso nha monhipe. ³⁴ Iyo haheledji bangendja banene. bhobho bhanhaki na bhipeko ndenge nandenge; iyo aibhenganga badjalulu banene, mpe elembeya djabulu te ebuke, bho ibho bamadjeyi. ³⁵ nhamogbha kembi, okomoi mompudjakeni na ma lituku, aiyena mpe aiyipudja aphulia akeye teyi sio ya bobi, hóo ákabhela. ³⁶ Simoni mpe bhbho banhabi nande bhayahisa anduki yande; ³⁷ mpe, phoko ebhe emotanibho, bhayebuka nande basusu bhaka nukana. ³⁸ Aye bhonhoo : eheeni, teyi masuka ka mangando ma padipadi, bho nhukee bhasakwa lokola; angbanga yona mainanga mopundji mbi. ³⁹ Mpe óhee bhoka sakhowa teyi ya basina goga na Galilea mobimba, mpe ayebengana bamembo. ⁴⁰ Wamaba aye nho pambe yande; mpe aibwa mulhi, aebhuka nande na bwahea : okkapa, windjani banganga. ⁴¹ Akongo ailuma na iwe aiyanda ebho, aimopeha, mpe aibhuka mbi nindimi, nha bonganganga. ⁴² bhideebhe mabha maihee, mpe ayitobho bhongonganga. ⁴³ Akongo aemoyanedja angando, nabho molembeya makasi. ⁴⁴ mpe iyo aebhuka nande : iwe nhabhobhi tobuke na mongendja te; kasi hée bhokaningisa pamba ya banganga zambe, aneyi libondja angbonga bonganganga libondja yakoma moize, atina ya bhomo salisa nha litatoli. ⁴⁵ Mongendja obho dja aikeyo, ayibanda bhobhuka bho mpe bhopandja, na ndenge bho hoyé tée ya ngando iyo ainha tiambho teye siyo dja uma, mpe baka mo nhoya mpamba na pamba.