1 Bhanieni bhosembo bhokakó ino libhoso nha bhagendja, apkulia bhomba na bhomoi; ndenge edina, otanhisani lifuti tée phani na Sango wanu obho okhe tée lola. ² Okhapha bhoneya bhoyée yáma, tabhome limbili libhoso nhawe te, djakhakhó bha pitshiko teya sinagoga na teya ya djia, bho bhagendja. bhakumise nikabhu kiani menene, bhanhisi lifuta djaabhu. ³ Khasi we okhaneya yoma na ebho ya nlibhanhi ebhe ya nlibhami etewene te, ⁴ Yoma ebho eneyi we na libhombi; mpe sangawa, obho kawene na libhonbi awidja. ⁵ Mpokho ekhabhela ibho to nhani dje bhapitshiko bhapayi bhwabhela mema teya sinagoga mpe pambha ya ndjelimpanda bho bhagendja bhabho yene. nibhukieni menemene bhanisi lifuta nhabho. ⁶ Kasi we bhokho ekhábela we, yingea teye ya eyise, nhipha monhipe, mpe abhela na Sangowa okehá teya lhibhombi, mpe sangowa obho akhayene teyi ya libhombi, awiyidja. ⁷ nhabwabhela, tobhakeni malobha ma bheyu te, dje bhabhaganu bhakaninge bho bhaka bhuka mingi bhaka nhisa eyano. ⁸ Tokhokeni dje ibho te; ndjokande sangwanu adjeyi eyomande ikheno nande posa libhoso bho bho mohonge. ⁹ Se ndengende ekhokhi inho bwabhela : sangunsu okhi hoho nhiko ! nhina nhawe nhikumi same; ¹⁰ mokhano mawe mokhomeni obho nase dje obho nhiko. ¹¹ Eneya inso bhende nhiya nhasu na masu masusu, ¹² Limbisa bhobhewu bhasu, dje inso ekha limbisa inso na bhabho bhaekoyi inso bhobheu : ¹³ Tóyoyé na maseginya te, heheledja na djabulu. djokande eke nawe, teyi ya bhiyanga na bhihanga, bhokondji na gbundu mpe kembo. Amen ! ¹⁴ Soko ibho bhakalimbisa bhagendja bhobhehu bhabhu, Sangwanu ya nhiko alimbisa nhibi lokola. ¹⁵ Kasi inho alimbisimi bhagendja te, sanguwanu alikho atalimbisa bho bhewu bhanu te. ¹⁶ Mpokho ekhakia we nhiya, totombe mbanda ya wa te dje bha pitshiko, bhakaningi ndja bhagendja mbanda iwa bho bhahene bhaki nhiya nhikha bhukiani menemene phanise lifuta nhabhu. ¹⁷ kasi we, okahe ndjia asosa mbanda mpe wa senge malasi, ¹⁸ Toningidje na bha gendja te okiye nhiya, kase sangwa obho okhiha siyo yabhomba; mpe na sangwa obho akhayene teyi ya bwabhomba, ahulidja. ¹⁹ Tobombeni mosolo teya ya lola, tó ngusu mpe na bhadjalu to batu bhakuba bha bhuka eyise mpe bhohibha; ²⁰ Kasi ambho mbweni mosolo teya ya lola, tó ngusu mpe na bhadjalo bhakokiti bhobheyidja te, mpe hó bhahubha bhakokiti bhobhuka nakho bhohiba te. ²¹ ndjokande siho ebhe ekhe mosola, mawe mpe mwema mawe mokhi hoko há. ²² Nhiso nhawe motandanda nha mokhukhu inha kho nhiso ikha nha mpopele, mokuku mawe mobhimba manha ibhi bhohowe. ²³ Khasi miso nhawe nhi khapeka, mokhukhu mawe mobhimba mwa nha ibhi teya ya monhinhi, inakho bhohohe bhoke nawe bhotobi monhinhi, ndjekha bhanhayi ibhi na monhinhi monene ! ²⁴ Okhokiti bhokomeya bhalakisi bhabhale te, ndjokande, tó akkhiha ibhi omoti, mpe apayi obhodi; tó apana ibhi na omoti, mpe akhiye obho adhi. tokhomani Mongai te mpe na mosolo te. ²⁵ Mainanga mokhabhukiani mbi : twatungidje miti akwiyaa bhomoi bhanu nhutungi djeni te akhwiya bhowakani, na kwa gbanga amokuku manu, nayoma nde inso ino awa. bhomoi bhanu bhonyoiti nhiya, mokhukhu bhonyoi ti bhisendja ? ²⁶ Semi mbhunhu ohó nhikho : te bhahone te mpe bhaliye, tebhayise mahona teya enhisa; mpe sangwanu anhiko akabhahakedja. inho l'angoi te mbhunhu na motiyo te ? ²⁷ Nda teyi yanu, nakwa atungise, akkoki bhobhakeya nhasu na bhowene abhomoi bhande ? ²⁸ Mpe agbanga ye ekha tungise enu amokando bhisindja ? djuwani ndengende ekha hela ndengende fulele ya elanga tedjisale te djisone; ²⁹ Nikha djedjani bho nakho, Salomo teyi ya bhokumu, bhande bhosusu awati dje omoti na bhu. ³⁰ Soki Mongai akha wadjá ndjani dja bhianga, djibho djikhe bhende mpe djikhe khombi bhadinhumba ma amosa, atakhomeni ino bhope bhobhiyi, bhato bhabhoyambi bhotshebu ? ³¹ Twatunge senite, mpe tobhukheni : inso aiyakha ye ? inso ya nyunga ye ? yomande inso awa ? ³² Djokande loma lisusu, ekeko bhapagano bhakani nukana, sangwanu wa nhikho adjedji ebhe ekhe ino naposa. ³³ Nakana libhoso me bhokondji mpe na bhosembo bha Mongai; mpe loma lisusu bhabhakeini lingongo. ³⁴ Twatungisemi te agbanga ya khombi; bho khombi bhó bhombi ya nhisa sawo yana. bhusa na bhusa ekhe na epekho na epekho.