¹ Bakondji, ndimiani bhasali bhanu na ebhe ekhe menemene ndenge emoti, djiani bho inho lokola inho akhe na Mokondji omoti teye ya nhiko. ² Isoni molende teye ya bwabhela, kengeleni na mabhondja. ³ Abhelani sio omoti akpulia inso, bho Mongai aehukho iso nhipako nhi moti akpulia lilobha na ndenge bho mbi nikoke bho sakwa mobhombano ma Kristo, akpuliana mbi mike teye ya bholoko. ⁴ Mpe na bhokó bhodjeya dje ndenge yambi bhobhuka. ⁵ Akambani sio omoti na ndata pambi bhabho bhatiambo, mpe sombani pako. ⁶ Bho bhuka yawe enha masu masusu siye moti na bhokoto, bhakea na mokwa, bho odjeni ndenge ya bhomuanua amina we. ⁷ Zisiko, mopani wambi ngiana mpe wa lobhokó kuma, aminambi wa mosaa teya Kumu inoni wa djedja kani bhi bhasusu na bhabho bhaseyi mbi. ⁸ Mbi ni molinde bhoga pamba yanu akpulia bho inho odjeakeni ndenge yasu mpe akpulia bho iyo alindise mema manu. ⁹ Mbi nimolindi seye omoti na anesime, walobhoko mpe mopani ngiana, obho okhe wanu, ibho bha djedjani bhi inho masusu djibho djekanyo abho. ¹⁰ Aristiako, aminambi wa bholoko, anani mbhoti, na Marko manango Barnaba, amokando maina inho adjwi mitindo inakho anhoyi pambe yanu, mosepani. ¹¹ Akongo okabhebho Krsito, aneni mbote lokola ibho bhake bhamotango ibho bhoke amotango bha nhiombe, mpe ibho bha moti bhasóa nambi sie moti akpulia bhokonzi bha Mongai, mpe anhaka nambi nhilindisi nhi moti. ¹² Epafaze, obho ake wanu aneyeni mbote : mosaleli wa Akongo Kristo iyo atika embé na bhwana akpulia anu teya masambo mande, bho, bhosembi bwatitidja bhomoti bhasusu teye ya mokana ma Mongai. ¹³ Djakande ni monei litatoli nhambi bho iyo akhe kebha emoti enene akpulia anu, akpulia bha Ladiseo mpe aphulia Herapoli. ¹⁴ Luka, mopani, anoni mbote, bho na Damasi. ¹⁵ Neani mosambi na bhamangwasu bhake óhó Laodiséa, na Nymfas mpé na bhabho bhakasanganaka a éyise yande. ¹⁶ Inhako okha pambheya ya anu, kôóni bho molangame mpé óhó a Eklésia ya Laodiséo. Langani mpé étumba ebhe elindei mbi bhanangwasu bha Laodiséo. ¹⁷ Bukeani Arsipo: Kebha bho wanée na mwema mosusa na élómo ya Kumu énéiyo we. ¹⁸ Sée, mosambi mubho, mbi méene omokomáki. Tobhosái te bho mbi niyanyami abhó abhôoko! iwa ya Mongai ébháa nanu!