¹ Ne bhapei pambea Mongai mpe pambea Akongo Klisto, obho wasu sambedja bha mowu na bha gôo, mpe nalhina nande bhowenene mpe na bhokondji bhande, ² Sakwa bhuka, mpe bhokakanea, pókó épélé nabhina, bho bhandela, bhapanea, bhalendisa, na bhodhée mpe na bhaningindja. ³ Akpulia adoa ngonga émoti bho bhagendja bhata kokaa bhowa bhotaata; kasi, bhadha na esengo ya bhowoka mosambo mopée, bhanea na bha minganga bhanene na ndenge ya pósá yabhu, ⁴ Wombedja ewokedhi ya bhosembo, mpe bwa wombendja pambea bhabho bhabho bhatike na makasi. ⁵ Kasi we, dha modhidhi na ngando susu, bhoo idja moéma na epeko, bhoko omoti mosakoli, lumedja bhope mosaa moneyibho. ⁶ Akpulia mbi, na dha libhoso na makia mambi masunia na padhi, mpe pókó yambi ya bhokée ya adhindhi. ⁷ Niani dhihinga, mbi ni madji Kulusse, mbi nibhanei bhoyambi. ⁸ Edhedhe ekoti ya Bhosembo ebheneani akuplia mbi; Akongo, bhagendja bha bhosembo basembedja, kasi bhanea bhusa bhuwa mpe kati na mbi, kasi nabhu bhadha abho dho. ⁹ Bhoa pambeya yambhi; ¹⁰ Apkulia bhopaa bha biyanga bha edhebhe, mpe iyo akhee aTessaloniya; Krescani mpe ayikei a Galati, Tito na Dalmati. ¹¹ Luka, iyo omoti teyi ya iso tomba Malako, mpe okée nande, akpulia bho akena ntina ya lhingomba. ¹² Ni lhindhi Tychike a Efézo. ¹³ Pókó awe adhowa, wakayaka abho aye mbi a Troasi pambeya ya Karpusi, mpe bhuku, mingi mingi na bhuku. ¹⁴ Alesandre, mogendja wa mabende, akoni bhobhehu mingi. Akongo ayo amohudja ndenge ya mishaa mande. ¹⁵ Abhane-wa ndenge emoti nande, akpulia ngdhu ayi moemea akpulia ngudhu ma bhuka yasu. ¹⁶ Teyi ya bosamba bhambi malhi bhoso, mogendja nako omoti adhoa bhodha salisani, kasi bhasusu bha yeeni. enabheaa etike bhobha ahange! ¹⁷ Ekhé Akongo wa dhowa bhodha bhona seni mpe akembe djani, inako bhosakwa bokakani na mbi mpe bhapagano bhasusu bhaa mookaka mpe mpe nakangwama nabu djobho bhasoa. ¹⁸ Akongo aheledjani na ngando susu bhehu, mpe aheledjani akpulia ayingendeni abokondji bhadhiko. nande nkombo na mibu na! mibu Amina! ¹⁹ Nea mbote na Priska mpe Akilas, mpe dhitungu dha Onisifor. ²⁰ Erasti madhi a Corinti, mpe niye Trofime na epeko amilet. ²¹ Kôo makasi otobhe na pókó ya bhodhe. Eubulo, Pudeni, Linusi, Claudia, mpe nginaa bhasusu anei mbotte. ²² Mpe Akongo adha na Elimo yayo! na ngolu edha nanu!