¹ We nakina, Mogbongi wambi, bho nea ngunhu-ngunhu na ngolu ebha ekha na Akongo Klisto. ² Mpé ayiyoka na mbi alibhoso bha tenuye ebhele. moneani abhagendja ya bhosembo, akhoki bhotangisa ndenge emoti na bhasusu. ³ Ayokha epekho na mbi, dje sonha mopele ya Akongo klisto. ⁴ Etikhe na sonha obho akhayabma mokhando ma bhomoi, akhoki bhosepela na obho ayi moyingidja. ⁵ Mpé bhagendja bhabhia atobhia atobhi mokhondji, inakho ahana bhodjuwa mobheko. ⁶ Mogendja ma wa elomo aloma libhoso nha bhobhuka mbuma. ⁷ Okha mubho eka bhuka mbi, ndjokande Nkumu anea mayele na eyoma susu. ⁸ Mole Akongo klisto, nhitungu nha Dawidi, ayi sekwa na bhago, ndenge eyibhuka bhosakwa, ⁹ Akpulia nda okhanyokwama bhanda bhonyanga dje mogendja wa hubha. Kasi bhobhuka na Mongai bhata peyate. ¹⁰ Mokando mana ni kanyanga mokando susu bhayi hó inso, nhingongo ya nhisa heheli obho ekhe na Akongo klisto, na kémbó ya Mongai. ¹¹ Bhuka ena ike ya solo: ekha gowa ya gowa nande nsio omoti, ekha bhika nande nsio omoti; ¹² Okhanha na lindi, bwakondedja ndenge nande; ekha mongana, ndenge omoti angana inso; ¹³ Soki inso iyanha na bhosembo te, iyo anha na bhosembo, ndjokande atagana te eyo mene. ¹⁴ Bholene ngando, bholapa djambe nhibhoso nha Mongai bhonadja ngando dja mubhime, nda owasalisa na nhoma egogakhe obho bhayi yoka. ¹⁵ Kho makasi othobhe libhoso nha Mongai ndenge ya mogendja agweyeyi, moto ya elomo akhokiti bhokendjwa te, nda wanye semba na bhuka ya bhosembo. ¹⁶ Ye bhuka djebhehu adjeti eyoma; ndjokande bhabho bhapeya bhakhe libhaso bhasusu na bhosomba, bhuka yabhu bhokendjwa tiya bhagendja bhaka bhuke bhuke, ¹⁷ Namo tuya mowa Imeneyo mpe Fileto, ¹⁸ Nda obhehedji bhosolo, bhobhuka bho bhosekwa bhonhowaki, mpe nda akha hombedja bhoyambi nha bhagendja bhadina. ¹⁹ Lokola Mongai ayisa matayi oho nanse na ngunhu munhika bhohema, na bhuka ena ekha mosunga na kase: Nkumu adjeeyi bhabho bhaki bhande; mpe: nda obho alanga nhina nha Nkumu, akhe bhohanhi na bhobhehu. ²⁰ Teyi ya eyinse enene etikhe penza na teni nha Wolo nha mbemba, ekhe na mée mpe ndebha; bhadina bhakhe na mpoke ya lokumu, mpe bhadina bhake na loma nha tina te. ²¹ Inakho ndambo ya bhato bhanha na bhopeto, okhi ndje mogendja ya teni ya suku ayi petwama akhi mogendja wa tina akhoki na misa mipe misusu. ²² Ye bhotutia posa ya menga ebhe ekayoke ibho mpe, nukana bhosolo, bhoyambi, bhopa, khimia na bhobho bhaka bhelela Nkumu na mwema bhogbo. ²³ Yemedja mibhukiano midjangi tina na bhodjeya ya bhota egendja. ²⁴ Bho, ekhokiti te mosoli wa Nkumu anha na egendja; iyo kasi anha bhobhoto na bhagendja bhasusu adje bhosakwa bhope mpe bhonyonga mema; ²⁵ Iyo abhongedje bhanguna iyo apanea na bóbótó bagendja bhamoo makasi, dje Nkumu abhanea na ngolu bhobha hombedhe miema mpe batobhe bhodjea bhuka ya sóló, ²⁶ Mpebho, bhayihuwa bidjaleli bhabhu bhibho bhipée, bhaheledja na motambo mondili, obho oyingei teyi yabhu bho abhandimedje na mposa ayande.