¹ Eyanha ndani ya bhogbanga bha preofeta, bha lokuta eyanha ndenge omoti kati yasu bha monganga, bha ifa moangomba ndenge na ndenge, bhangona molakisi obho abha somba, ibho mene bhanhukana hogo. ² Mingi bhobha tuteya na mosala mabha, b haye ndjia ya bhosembo mpe bhayingia ndjia lokuta mokando mabho. ³ Na masumu, iya songe mogendja na ndenge ya bhobhuka lokuta, bhanda bhahe bhamotitidja, mpe hogo yabhu etikhe bhohanhi te. ⁴ Ndjokande, Akongo aye bhambatiti te bha anzelu bhayikho masumu, ayi bhabhwaka alifelo mpe bhanhikahe okho mokholo bhasambisa ibho. ⁵ Bhotitidja na bhohowa mpe etobhe putulu ngando ya Sodoma mpe Gomore, enha ndakisa bhobho bhaka nhowa. ⁶ Inakho aneaki etumbu na bhopandja mpe ayitobhedja Gbata ya Sodoma na Gomoro, nibhu eyinea dje ndakisa bhabho bha kanhowa nhingongo, ⁷ Mpe ayi moyifa Loti, anhaki na mawa na monsa yaa bhagendja bhande na bhokabwana nhabu. ⁸ Ndjokaned bhosembo, ekhanha teyi yabho, ebha sombedja bhusa bhasusu molimo bhosembo akpulia bhenge bhaka wona mpe bhaka yamba na mosa bhohowa; ⁹ Nkumu adjeyi bhoyifa moto na bhomekana, mpe ayi bhayisa bhabho bhatike na bhosembo te mokando ma bhosembo mobho ma bhosambo. ¹⁰ Bhabha bhokapa monkando mamu na mosa ma masumu eyayifa bhokondji bhawe. Moto ya lolendo mpe bho bhuka bhuka, ta bhange te bhobhoko Nkumu. ¹¹ Ndjokande bhanzelu, mokondji akhe na ngunhu na makasi, bhowa bhosombisa bhobhehu bhonso wa Nkumu. ¹² Kasi iyo, bhaye tutiana na bhatu bhatike na mayele bhaka bhaye na masumu ya bhatata mpe bhohowa, akhabuka ndenge ya bhobhoko tobhungé tite, mpe agwa na mokando mande ma kanyaka. ¹³ Bhayoka mpasi bhanhisa magbuta mabhu na bhowa kaba na posa teyi ya bhusa; moto abhebhu na masumu, bhagwani na bhokosaka, bhopele nanu. ¹⁴ Bhake na minso maluma libhadja mpe bhadjangi tina na masumu; ayitaya mwema bhobhehu ibho bhoyinhisa moteya bhobhehu; bhake na mwema elumi na masumu; ikhe bhagbongi bhayi lakelama bhobehhu. ¹⁵ Nhingongo nha bhowene bhanyo na mekenge, bhayi bhunga na bhotutia bhuka ya Balam, Mongbongi wa Bosor, nda akhapa lifuta djebhi etikhe na bhosembo te. ¹⁶ Kasi bhayi mopameya akpuya bhobheyu: bho akho iyo mpunda edjegi ebhanda bhobhuka dje mogendja, bhaprofeta aye ngando dja bhobhubha. ¹⁷ Bhagendja bhabho bhakidje magbudu mahomake, dje mapata madindana na bhuwa na mopepe makpamaku: bhasuku teyi ya monhinhi makasi. ¹⁸ Na bhuka djinene dja yawule, mpe na bhidjaleli bhabhu ibho na posa ya mobhukhu, bhabho bhayi nukanaka, bhosengiya ndjia ya molowa; ¹⁹ Aye bhabhuna bhosomi, bhoko ekhe bho mene bhophunhi bha kanyoka, ndjokande omoti na moti akhe mobhunhi bhaka bhoyi iyo. ²⁰ Bhopélé, otiye mokando bhobhehu nha mokili. na bhodjea Kumu mpe mobhikisi Akongo Kristo, bhahulia ngando djia edina mbala, bhayititidja bhobhehu bhabho bha libhoso. ²¹ Bhope bho bhayi djiati ndjia bhose mbote, Kasi bhayi modjeya bhaitomba ti mobheko mosantu te. ²² Ekhomene nabhu dje ya bhuka maka na masese: mwa ahaki mikongo mande, ngowa aya sosa bhinhe ibhe akasopo nha nhamba.