¹ Nika lendisa mée, liboso bha lóoma, lhisusu na bhokôo bhisambó bwaiyaa, na muna, na bhohewidja matondo na bhagendja bhasusu, ² Akpulia ya bhakondji mpe bhábhó bhasuku, bho iso ésé bomoi bomoti mpe bhopélé na bhopéto mpe na bhósémbó. ³ Yana éké bhopélé mpe bhopélé liboso bha Mongai mohélédji wa su. ⁴ Iyo apai bhagendja bhasusu bha éhélé bha tobhée na ndata ya mene mene. ⁵ Bho ekokô na Mongai omoti, mpe abhukedhi teyi ya Mongai na bhagendja, Akongo klisto mogendja, ⁶ Obho wakabhi akpulia ya su bhasusu. Ena eké lithatoli dhineani na pókó yande, ⁷ Mpé na maina niisi basakoli mpé nabhapostolu, ni bhuki mene mene, nikositi, bhosakweya bhapagano teyi ya bhoyambi na mene mene. ⁸ Nipayibho bhagendja bhabhele asiyo susu, nabho bhaso mabhôo bhongô, kati na kendjôo kati na maleni mabhehu. ⁹ Ni paï bho bhadhi, bhawa bhopée, na motuwa mpe bwatitidja, ayibhotama na baboti bhande katise, kati wolo, kati mayaka, kasi bhisindja bhipée. ¹⁰ Kasi bhobhoti bhande na ngando pélé, djebongi na bhadhi bhabho bhakakô mosa na bhosalia Mongai. ¹¹ Mwadhi aoké mibekó na bhobhi, na bwatitidja bosusu. ¹² Nióngi na mwadhi te yengendje te, kati nako bhotomba bhokondji te dhikodha môomi; kasi abhongi bhohela teyi ya bhobhi. ¹³ Ndjokande Adamu wakelayo dhibonso, Ndhingongo Eva; ¹⁴ Mpé étiké Adamu wakwadhimali, éké mwadhi wakwahimoli, anéa andima bhobhehu bha bhobhuka mobekó. ¹⁵ Ahéla na bhotoba ima, akahisa molende sio moti na bwatitidja teyi ya bhoyambi, teyi bhopaa, mpe teyi ya bopeto.