¹ Polo, Apostolu wa Akongo klisto, na motindo ma Mongai mohélédji wa su mpe na Akongo klisto elikya yasu, ² Na Timoté mongbongi wa mbi wa sópô a boyambi: bho iwa, na ngolu mpe na boboto, bhonéamé na pamba ya Mongai yaa mpe na Akongo klitso Nkumu ya su! ³ Mbi niká atimidjá malendisi bho mbi bho mbi nakôo ábhokée bha mbi a Masedonia, poko émbi ápáa bhobhika a Efeze, nabhó nilémbée bhagendja bhadü botéya bhotáata bhodina, ⁴ Mpe to wabhátée te na matshatsha na bhotaata suka te, bho yaká ifa bhodindana bhópélé bhokée liboso na mosáa ma Mongai téyi ya boyambi. ⁵ Ntina ya mitindo, éké bhopáa bhodjongi téyi ya mawema momoti ma bhongôo, ndata, émoti épélé, mpe na boyambi bha mene mene. ⁶ Bhadü, bháyá kumbiya na looma, bha bhu ibho bhayagbayi ya bosakwa bhopele; ⁷ Ibho bhapaé bhabháa bhakumu bha mobeko, mpe ibho bhatika sodjéa te ébhé éká bhuka, ibho nako ébhé ekanakwa ibho. ⁸ Iso étiká gáná bho mobeko moké mopélé, na ndéngé bhakôo dje élôngi, ⁹ Djea bhopélé bho mobeko mokomeniti akpulia ya bhabósembó, kasi akpulia bha kémdjôo mpe bhasimbo, bha bosoto mpe bhasumuki, bhakinoli, mpe bha bho bhapayi midjigy, bhatshioli, bhawéebhi, ¹⁰ Bhalhibhadja, bhabho bhaká éngédje bhagéndja, bha mahubha ma bhagendja, bha mahubha ma bhagendja, bhamalowa, bha bholapana malowa, mpe susu ébhé éké bokeseni na bhotaata bhopélé, ¹¹ Bhondisama na bosakwa bha kembó ya Mongai wa esengó épélé, bosakwa bhubho bha likya mbi. ¹² Mbi niwidji matondo pambé ya obhó wa élikya, na mbi na Akongo klisto Nkumu, wa su na óbhóbhó iyo aisambéjá bho niké na lóbókó, ¹³ Na boyingidjané teyi ya bhingómbá, mbi obho wabhaaká liboso, omoti wa kédjôo, omoti wa bhonyaya, môomi omoti wa somo, kasi mbi nadjuwa ngolu, akpulia bho mbi nákóoko na bhodjanga bhodjéa, teyi bhodjanga boyambi; ¹⁴ Mpe na ngolu ya Nkumu wa su ya bhaa bhikó, siyo na boyami mpe na éhélé bho éké na Akongo klisto. ¹⁵ Eke buka émoti ya solo mpe bhitombó óké okoki na bhodjwa, bho Akongo klisto alhówá téyé ya mokili akpulia bhohéledja basumuki, akpulia mbi nike mogendja wa liboso. ¹⁶ Kaisimbi na bhisaka ngolu, akpulia bho Akongo klisto ayene bhokôo mbi liboso bha bomoi bhande mobimba, akpulia bho nisalée ndakisa nabhabho bhamoyambo iyo akpulia bomoi bha sékó. ¹⁷ Pambéya ya Mokonzi wa bhianga, tagwe, ta énené, Mongai, omoti djuwa lokumu kémbó, na bhianga na bhianga! Amina! ¹⁸ Mobeko moningidji, mbi bho Timoté, mongbongi, wa mbi ndenge ya msakoli makomene liboso bha mokando ma we, éké bho bhingongo bha iyo, we, waana bhia bhópélé, ¹⁹ Na bhobhanéa boyambi na ndata, yana bhadiam bhaébhungidji, mpe ibho bhaikôo bhobhinda na ndenge ya boyambi. ²⁰ Na motango mubhó éké na Hyménéo na Alesandra, bho mbi nabha bhumbá pambe ya satana, na ntina bho ibho bhadje bhoyée botshiola.