¹ Nako dje, Kristo ahoká, mpasi teyi ya muu, ino nakina alengeleni ino na mayeni ndéngé emoti. Djokande obho óoki mpasi teyi ya muu asulia siyo emoti na lisumu, ² Na bokopo bha bhohela kati bhea na ndénge ya Tamaa dja bhagedja, kasi ya pókó ébhe ébhikayi nande abhohéla teyi ya mokuku. ³ Eke ékóki, bhopée, na bhowene na pokó ya yóo na bhokokedja nyosa ya bhapangano, na bhosomba teyi ya bhobhehu, bhatamaa, bholangba, na bhibhonga bha bhóowa. ⁴ Dje ibhó bhatani na bhoka mwa bho ino na ino otikaa abhodjo na bhu siyo émoti te teyi ya ngando bhehu, djibhodji bíi ndenge émoti mpe ibho bhosoweni ino. ⁵ Ibho bhapundja a obhó ake pabhi na bhobha sambedja bhabomoi mpe bhagó. ⁶ Djokande mosambó mopélé masakwanaká lokola pambéya bhagó, na bhó, lingongo bha bhowene bosambejama ndje bhagedja pókó ya mokuku, ibho bhahela ndéngé ya Mongai pókó ya Elimo. ⁷ Suka ya lóoma lisusu like pabhi. lháa na ndata mpe na bhokebhi apkulia bho bhóonea na bhisambo. ⁸ Liboso bha ésusu, bháani na bhopáana teyi ya omoti na omoti wa nu bháani na bhopaana makasi, apkulia bho bhopaana bhokabombe masumu manene. ⁹ Lhaani na bhoyambi teyi ya omoti na omoti wa nu kati na bhobuka bhuka te. ¹⁰ Ndje bhasakoli bha Mongai, omoti na omoti wa nu aisé bhikabo bhibho bhidjuwi iyo akpulia bhosungo amina we, ¹¹ Inako mogendja omoti akabuka, élháa dje obho okanée mosambo na bha ngánga djambe; inako mogendja omoti akaleemédja Iklezia, aélamédje na nguya ya Mongai ébhé ékabuka teyi ya nde, akpulia ya ngando susu Mongai akumisame na nguyá Akongo Klisto, obho obhongi na kémbó na nguyá, na bhianag na bhianga. Amina! ¹² Mopaani, tokamweni te, ndje mokando momoti moniyé motobhéeni, na móosa mubho moke teyi ya nu akpulia bhonigidja ino. ¹³ Asepani na bhokeséni, bhubho bhozwi ino na mpasi ya Klisto, asuka olhaani na éséngó mpe na boyambi pókó ébhi kémbó yande ya bhoroa. ¹⁴ Inako okahelani na bhina bha Klisto, ino wa bhaanina ésengó, bho Elimo wa kémbó, Elimo wa Mongai, ébhayi teye ya nu. ¹⁵ Kati omoti teyi ya nu, na bhó, te yoke mpasi dje ayowebhi, to wa huubho bhabho bhadjingée ngando dja bhagendja. ¹⁶ Kasi inako moyendja akalhaa na mpasi dje moklisto, te aiyoké bosoni te, mpe amokusé Mongai na bhüna bhande. ¹⁷ Etobhe pokoya bhanda bhosambisama teyi ya eisé ya Mongai. Bho, inako akabhanda yaná pambé su nde ya bháa téyi ya bhabho bhatosaki buka ya Mongai te? ¹⁸ Mpe inako bhabhosembó bhaihela na mpasi, yoma nde ya tobhéya bha bindo na bhamasmu? ¹⁹ Bho, bhabho bhakaoka mpasi akpulia Mongai bhauhedje milimo ma bhu pambeya mokeli mopélé, na bhokóo ngando djibho djike pélé.