¹ Yuda otamba wo Yesu Kilisito,pe welo lome la Yakobo,mbe mbatakama,mbo mbalangamaka la Isalilombo otondo,mbundamaka la Yesu Kilisito ² mbo Isalilombo okelake esu ngandi,la kimia ,lolango longalake uke taino. ³ Onalangame,ani enaka eyi lehala tokomela enu lyoyi lye lisimele loiko lo esu otondo,ikoka lehala okomela enu mbo woyaki yimilye ene afamaka ta alombo mbe mbati la limeli tapo elibela ⁴ Emembo alombo amoyi mbakaya lelo ino,lolonge lomito,lambe mbakalambise ngolu Yisalilombo,lambi mbundjele wenisi wisi emito la one ikisa ako Yesu Kilisito. ⁵ Yeluwisa enu alombo mbe mbaluwe lehala akambo mbaho otondo mbo one ikisa,mbisa yosunga alombo losomola wo ta liyele li Ejipito mbee ta suka mbakpaka tozanga imilya. ⁶ Mbe mbatikelewota lisambi lyokolo olene.mbe mbatomame ta lima,ekolo lekolo Banjelu mbe mbati luwe unda lehala wokondi wawo,pe mbako tika hama yawo yongala se, ⁷ Mbo Sodomo la Gomolo la liyele lye limbe toombele wawo mbitiamaka loolefe, lootonga akambo mbati lehala tokili.nde mbafamaka onyembe wonyoko wofesama la yimbe yitilimane. ⁸ Angante,alombo amoyi,mbe mbakotikale lakanisi mbawo, mbe mbati lehala, mbe seya la eniyo yawo,mbeseya lokuku lokondi pe mbeseka kembo yande. 9 Kpembo, Anzelu Mikaele, ngonga ene atakaye we la Olimo ondolo ta ongwesana lokomba loya Mose atikoke losambisaye lahoyi mboseka yepe ekambo one ikisaye ambisa. ¹⁰ wo,mbatiteka nenge emito mbeka loseka ta akambo mbati luwe wo, pe mbeka mbo one akondje okelake wo. ¹¹ ngandi yawo! lambili mbakimanaka la lyio liya Kain,mbe mbakpaka la lifuta lyolimbisama la Balama, wope mbalimelaka ta letumba lo Core. ¹² Embe olanga letati loyeka yino,ekambo embe yeka yilehala,lolamba womene.embe kpe loonge le loti laaye,yeyi tomame la lififa;tekalamba ye iti la tuma,ongwa mbala yele tesisa; ¹³ lififa lyakasi lilwale litake iyengo yondolo fato,la tosweswe twana,takombo lima lyakasi ekelame seko. ¹⁴ Embalo ta po ya Enoka,olombo losaela wofowa Adama,ekaka mbo:naka one akondje akoya lambe mbati lameli, ¹⁵ totonga lisambi lye lyemalele oye wo,totonga oluwa alombo memambe nenge emito letati lowo akambo nyoso mbondolo ye yatongaka wo loseka okasekaka wo ye wo alombo mbondolo. ¹⁶ Embe alombo mbe mbimime,mbe mbasitakane,takambo mbawo mene mba mbakende lotindo olange wo mene,wonde mambe lonoko wokesa lioyi nde mbimilye olombo tofe ye yamene. ¹⁷ Embetombo,enu mbe mbalangame, oluwaki mbo ekaka mbe mbatomamaka felo lone akondje ako Yesu Kilisito. ¹⁸ Mbalusaka enu mbo ta lesile lo litio engala lalombo mbe mbambo kaka okola tola,ekendela ndole isame wo yondolo ekolo lekolo. ¹⁹ Embewo nde mbefe ondakowa, alombo mbe mbenakake mbo mbakoke embe mbati lolimo. ²⁰ Tenu mbe mbalangame,enu wotongeli enu mene lehala likolo likimilya lye liti la limeli, pe enu wosomboli, ²¹ emalelaki ta osama Isalilombo,ta olombila olimo olingendi one akondje ako Yesu Kilisito ta loiko loti la litio. ²² Inowela la mbe mbati imilyake. ²³ Sungaki amoye lfoyawo ta yimbi;ta mbomo ambisa ta enomo,okeleki mbomo ngandi yotahama emito la onganga, ilela tulu elikolo ene ombulyaka lokomba. ²⁴ Mbo, mbe mbakoke losunga oye la okpa wango pe mbe mbenise oye kembo mbo wenanake felo yakambo mbande,wenanake ta kembo eti kikolamake. ²⁵ Isalilombo yamene ambe onikisa la ndole e Yesu Kilisito lokuku lande, okondi wande wo olene akasi wande la lokuku, felo e lesile, la sikani,lilanga yaho otondo embe yaho alo!