¹ Welo,Gayo, one asamame,one alange eyi tosembo. ² one asamame,yesama mbo tongalake otuka ta litina too tongala lehala. ³ yambaka lomala uke,ayaka ayelo lome nde mbafaka sango yango ilehala ye yimbango, lani ekendoye tosembo. ⁴ Eti tongomba lomala toka mbo ana mbayi mbekenda tosembo. ⁵ One asamame,wotongela osembo, lani etongela oye ayelo lome,konde ayenda. ⁶ Mbe mba sumolaka ta tina yango ta ndole elosamo, ta felo e lingomba.wotonga konde lehala ta lokendo lawo la namuna ekombo ekoke ene embe Isalilombo. ⁷ Lambi ta lina li Yesu Kilisito lye likakendawo etilosa lema ene embe apakano. ⁸ Tokoke olingola nenge ya lombo mbaho la litina lyaho tongala alombo mba osala mambe toosembo. ⁹ Yasonaka asini amoyi ta lingomba,nde Diyotelefa,one asame ongala felo yawo,ati yambe esu. ¹⁰ Litina lyaho,ikasama enenu ,yekanisa esala ye yatongakaye,akotongela esu likambo limoyi li lisomi;toti lomala wo lehala,atitoyamba andeko,lambe mbasamaka otonga,asofekila wo nde itia wo ta lingomba. ¹¹ One asamame,oitioyekola ondolo,nde yekolaka lehala.one atonga lehala ambe one Lisalilombo;one atonga ondolo akata ena Isalilombo. ¹² Wotondo,mambe losembo tawomene,mbeka lehala loya Dematulusi;esu yiso,tokayeka konde lehala lande,nde oluwembo eka lehala liso embe lo solo. ¹³ Yengala lakambo uke mbo sinela oye, nde yasame osinela oye laye mbokanda la lokota, ¹⁴ Isame mbo yenake oye sikani,nde tekananake hama emito. Mbo lehoyi longalake lango! Ikendo mbakofa oye Sama. faka sama ta ikendo yango.