¹ Latina linawe tenda bakambo bane nbale bolotshi okokana la bakomi basatu. ² Tendambo bangolo sombo bakoli yala kimya ,bosembo, botema botale bosatu enoyambi ,lolango toto enotema botale. ³ Tendambo balit'angolosombo bale la posambo baene mbo ena ndja bakambo bonosatu ,bayale ko banato bayatende bowe , iyombo bane bayayofe kolana ;bakolindo lyofa labateya bolotshi, ⁴ Latina ekate balakise belenge sali banawaito balange baome baniyo kanaka lana baniyo , ⁵ Mbo batshu pwame ,oyase okamba besala en'utumba , bayale bolotshi,bayokitise enele baome baniyo latinoka bangoya tendela lyoi lina ndjakumba bowe. ⁶ Bolendisa mbo belenge bayale botema tshithi , ⁷ Lyotuma wemene lakambo ikotu yoka ndakisa banakambo bolotshi , fakende balakesi bon'olotshi lotili ,bana onga' ⁸ Lyoi limoko bolotshi ene ayana lofeli, latinoka bonguna ainde bolemo bonowe akolyende okotendela. ⁹ Bolendisa basali mbo bayale lotosi enele bamen'aniyo ,bamen'aniyo banyangele lelemo bakatu ,mbo bayale lokesa bahoi, ¹⁰ Totshake pembeni , tomwa ko bosembo basomene , oka tofe lokumu lateya bena ndjambe bobikisi boniso ¹¹ Oka bawa enandjakumba ,litina lina loiko banatwatu , eyenisaki . 2 Aleka toteya mbo to fuye bakambo bowe , bilulela bin'okili , mbo toike kati enesik'ene okolana lowanya,losembo kanaka bosatu, ¹³ TOyande botolotshi one eya likiso ,liyenisama lina kembo nandjakumb'okolo kanaka nkolo iniso Yesu - Christo, ¹⁴ One ayofa endemene latina eniso, okambo atosombe lakambo soni ikotu , atoila bato banande endeamene atosonga anyanga lesala bolotshi. ¹⁵ Tenda ben'elemwene ,lendisa utswela lokondji bone ekotu. ata bot'omoko akolefola.