¹ Polo,mombi o igbita ngio Yesu Kilisito,no manye Timotio,no Filimona adii eso adii ngiya eso o ² musamukye Affia,ati Alichippe adii eso o lite,no amati o Kanisa iya amati o ikaa ngiyesoo: ³ bukunda no majio ka Asobee Abaa ngiyesoo no Muheiso Yesu Kilisito! ⁴ Na amati o tosiyo Asobee ngiya asemi ubiba nogbe,nowe ako chweyoko ino amati o malumba, ⁵ do nanuka isawu yo baya ngiyesoo amati o Muheiso Yeso no bukunda ngubo soo akuu o babayanakiya. ⁶ Na nayo ako nita bo mataniya ngiye soo amati o baya yibu saliya akuu o Kilisito,ako nimbiyaniso mugbe yo bulo bubomu. ⁷ Nakwa pe igyagya nogbe no mutima bo ngaa akuu o bukunda ngubo soo,do andoo,ayaa,mitima ngiya babanakiya ya ikomone. ⁸ Ku bani,gutu ndi nibiyo bwau amati o Kilisito nowe ako tindakiya iye ya ngbingbii, ⁹ ya ingainga ako ino yo bukunda njoo nanowe ako nita yaka ngiye,no ako nina hali ngiya noo,imi Polo,ikweikwei,no bata bubunu ndi muto igbita ngiyo Yeso-Kilisito. ¹⁰ Na nowe ako nita mwana asemi,iya namu nota imi tiya no ba selegeni,Onesime, ¹¹ iya abiyo jene peyi mombi ata butuu,iya a bubunu tiya mombi o bangboo,ako uwe no imi. ¹² Nona tumiyo iyo,mwana o buwa ngubo semi. ¹³ Nabiyo pe akunda nayo ako nita amutii wo semi,bo ina saliya a ida ngiyesoo,ati ngiya nako igbita akuu o Isawu yetelo. ¹⁴ Ku bani,nakundamu pe akiya ikyemu Nona bokuweni komu,do bulo ubosoo bati biyo komu ubi bukabukayi,bika ta a mutia wosoo. ¹⁵ Ama angwa a nambamba asoo ako angbinga,do inaneni sina nayo tiya a mago o mago, ¹⁶ sokomu bata ndi baya,yaka mengana,tiya ndi nduku o bukunda,ako imi si,nogbe tiya ako uwe,no bata nogbe ku ako uwe,ama ano ndutu,ama amati o Muheiso. ¹⁷ Yobeyeni bo Sona will ndi nduku asoo,mupokiya kundi imi mumbinyongo. ¹⁸ No ona kiyeni bubibi,ama obiyeni no ikyemu yesoo,napiya a mutu wosemi. ¹⁹ Imi Polo,no tindakiyo no likondo lesemi,-na lipa suwo,do wati sugo komu walipana uwe mumbinyongo no imi. ²⁰ Iii,ayaa,nipata si ubiba nguwa Nani amati o Muheiso,udiso mutima wosemi a Kilisito. ²¹ Ya akpataniya no nuka ngiyesoo njoo Nona tindakiyo,animbiya bo wakiya ako chanaiye na sugo. ²² Ako angbinga ngiya nani,a tambanakiya ida yo bukwala,nano baya bo Nani boya ingbaa a malumba. ²³ Epafrase, adii yo igbita ako Yesu Kilisito,nabokuwo, ²⁴ kuno Malako,Alistalke,Demasi,Luka badii bo teya. ²⁵ Majiyo nguko Muheiso weso Yesu Kilisito kibiyo iho no mutima nguweno!