¹ Itakitaki ngiye,Kaijala Ogisite ochweiso upanu bo bipoo bombi babomu. ² Poo bombingiye neni yo kyananakiyo angbinga ngiya Kilinius abiyo ngama ngoyo Silia. ³ Bombi babomu basa andikisono,kila mombi a buma iya ango. ⁴ Yejefu osa tiya ku ano Galilaya,a buma ngiyo Najaleti,do isa ano Yudeya,a buma ngiyo Daudi ino bo Beteleheme,do abiyo a ikaa ngiyo notaniya ngiyo Daudi, ⁵ do bisa andikisono no abala ango Malia iya abiyo no buwa. ⁶ Iye babiyo inani,angbinga ngiya o Malia a nota o winiya, ⁷ no onotta mwana ngiya ango o peyi,o mukutoko,o mukwaliso amati o ikaa yo ba nama,do umuwa wabiyo komu ako ibo a bambeni ubo pokiya bombi. ⁸ Yabiyo,ta ako umuwa mungana nguwa nani,bombi nguba babeyoko banama,babiyo achana anisa agyakakiso banama. ⁹ Ina,malaika wo Asobee obu chweyaniya,no ubiba uwo Asobee wo jeya a nambamba ebo.Bokwa uba nogbe. ¹⁰ Malaika obu sigiyo bo:Nati kwa komu uba,do nanenu a nungiya isau yetelo,iye yabiyo ako bombi baja igyagya yeteja: ¹¹ bubunu a buma iyo Daudi,onotaniyo mu Heisoiya a Kilisito,Ngama. ¹² Namimbiya ako iseseniyo ngiye:na gboka mwana mukutoke no lipuku no mukwalise amati o ikocho yo gyakakiso banama. ¹³ No wakati mungana bo mataniya no ba malaika,ako bibiso Asobee sugo bo: ¹⁴ Ubiba ako asobee,akuu nogbe,No majiyo ako dodo ati o bombi nuba abu baya! ¹⁵ Iye ba malaika bangwa atowa akuu o bisi,uba babeyoko ba nama bosugo bo:Tiseni mupaka ano Beteleheme,tena yaka ngiye yenani,iye Asobee oti mbiiso. ¹⁶ Bosa gagaa,bogboka Malia no Yejefu,no mwana mukwale amati o ikocho yo gyakakiso banama. ¹⁷ Iye bamina,bongaka iye bamalaika babu sigiyo akuu o mwana. ¹⁸ Bombi nguba babiyo anuka yobu kiso uba uja,yaka ngiye bombi bo beyoko banama babiyo ako sugo. ¹⁹ Malia okiyo ta abeyoko yaka ngiye neni,no tunguwo amati o mutima wango. ²⁰ Kido bombi bo beyoko bananma bo towa,nobibiso Asobee ako iye boka no nina,ya biyo ngbana no iye babu sigiyo peyi. ²¹ Ako bisi bo begina,uba bosisekiyo jene akiyo mwana iguni,bominjo ino bo Yeso,ino ngiye malaika enjo jene angbinga iya abiyoo amati o buwa bo inye. ²² No,iye bisi nguba nayo akobalikiya ba winiya,akpatanakiya no upanu uwo Musa,Yejefu no Malia bosa nayo ano Yelusaleme,aninjo mwana a likondo lo Asobee, ²³ ngbanga ndi upanu nguwo Musa wa sugoo:Mwana ata guwe iyo peyi baminjo Asobee, ²⁴ ako ninjo mutebi baniyi bapini no anjuwa bapini,kundi upanu wo Asobee wasugo. ²⁵ Yabiyo,ano Yelusaleme ino bo Simeoni.Okiyo mombi ata mukume Asobee no ngbigbii,oto kiya abetakiya bisi bo igyagya ubo Isilaeli,no mutima wo tatu wokiyo iho nayo. ²⁶ Mutima wo tatu wamubiya ango weja komu aniwo okeneni komu Kilisito Muheiso. ²⁷ Eka ako ikaa yo Asobee,mutima wo tatu womu titiyeni.Ndi,ise no inye o Yeso bokiyo anisa nayo ako kyananakiya mapanu, ²⁸ omu siyo,obibiso Asobee asugo bo: ²⁹ Itakitaki ngiye,Asobee waweja tiya siya baya asoo Isa no majio,akpataniya no upanu nguwa wosoo. ³⁰ Do mesu uko semi keno buheya, ³¹ Buheya uba wa tambanaka jene apeyi o bombi babomu, ³² Uwanga ako poya manotu mabomu,No ubiba ako Isilaeli,ambaja asoo. ³³ Ise no inye bokiyo nuka bibiso ngiye bokiyo bibiso mwana. ³⁴ Simeoni o butiyo majio,obiya Malia,inye:Kanga mwana ngiya eka ako kwisiso no nimaiso bombi baja amati o Isilaeli,no eka iseseniyo ngiye ya duaniso bombi, ³⁵ no uwe mumbinyo ongo,mapi uwa wanachwa mutima,do nimbiya ngiyo bombi baja yiniya a bumba. ³⁶ Yokiyo kuno gugu moyongo,inobo Ana,inye njoo Fanueli ako notaniya ngiye Asel.Abiyo tiya mukuu nogbe,akiya mago meliyanika ibo noguwe sokomu bimiyana moyi noguwe. ³⁷ Iye atukoo tiya woko,iyo no mago batekebe begina no bogina,achweya ko a ikaa yo Asobee,no okyananakiyo Asobee nabutu no musoti ataa igyo amati o nita. ³⁸ Iye eka,ku ako angbinga ngiya anani,obibiso Asobee,oyakiya Yeso,no bombi uba babiyo ako betakiya heya ngiyo Yelusaleme. ³⁹ Iye bawiso yaka ibomu iye mapanu ko Asobee kasugo,Yejefu no Malia botowa ano Galilaya,ano Najaleti,buma ngiye ebo. ⁴⁰ Ina do,mwana akiya bukuu.Okiyo no nimbiya ija,no majio uko Asobee kokiyo akuu ango. ⁴¹ Bese bo Yeso botosa kila igo ano Yelusaleme,ako umbo uwo Pasika. ⁴² Iye awiniso mago kumi no kapini,bosa bata ano Yelusaleme kundi bakyosa kila igo ako umbo. ⁴³ Ambise ongo,iye makwaa ka chana ibo tiya atowa,mwana Yeso o tukoo ano Yelusaleme.Ise no inye bo mubusaa. ⁴⁴ Babiyo atunguwo bo babiyo iho no bange no kyenda,bokyenda musoti ubomu,bopunga nayo ako hata amati bange. ⁴⁵ Iye bamina komu,botowa ano Yelusaleme nayo ako hata. ⁴⁶ Ambise o makwaa kaatu,bo mugboka a ikaa to Asobee,bawele ati o bombi bo nimbimbyanaka,nabo anuka,nabo ako bokwoko. ⁴⁷ Uba bokiyo nayo ako nuka obukiso uba no nimbyanaka no tosiyo iye yango. ⁴⁸ Iye ise no inye ba mina,bo sangala nogbe asugo bo:Mwana asemi,imani wotikiyo bani?Ina, isu no ato tanowe ako hata nangu. ⁴⁹ Obusigiyo bo:Nanemi ako hatiya imani?Nangomu a ndi a nimbiya bo yanita bo nikiya teya ngiye Abaa ana tumiya? ⁵⁰ Sokomu boka no maana yaka ngiye okiyo nabo a nungiya. ⁵¹ Ambise ongo ojo nabo ano Najaleti,no okiyo anuka mapanu ukebo.Inye okiyo abeyoko yaka ngiyeneni a mutima uwo wango. ⁵² No Yeso okiyo bukuu amati o nimbimbyanaka,a buja,a majio,apeyi o Asobee no bombi.