¹ Yo biyeni bo nachweya a bunjawu iho no Kilisito,hateni nikyemu ngile la akuu,aki Kilisito awolee a ikondo yo guwe iyo Asobee. ² Sikeni angu ako bayaka nguba ba akuu,sokomu uba beyani ako dodo. ³ Do nawo,no ubeyi nguwa weno wa unaye iho no Kilisito amati o Asobee. ⁴ Iye Kilisito,ubeyi nguwa wosoo,eka sina,nachweya sina ku nayo amati o ubiba. ⁵ Maaeni magbaa ko ndutu uka akuu o dodo,busodo,makaku,litunguyo,misasa yeta bibi,umongu,iye ya bibiso mikakawu. ⁶ Akuu o yaka ngiye neni njoo gbinjana ngiye Asobee yeka akuu o mwana o ipumbu, ⁷ iya nokiyo jene amati angbinga ngiya no kiyo ako heya amati o bubibi. ⁸ Yaka mengana bubunu,siyeni yaka ngiye neni ibomu,gbinjanaka,bunama,bukabukayi,chongyanaka,ako yaka yo bapeyi iye ya chweya ako monu kosoo. ¹⁰ Iye na pinyiya mombo o itkitaki,iya akyo natana,amati o nimbiya,ako iseseniyo yo mombi ngiya a mutuwo. ¹¹ Yangomu Giliki,Muyuda,iya bamu kiyo iguni,iya bango mukiyo komu iguni,ama mombi ata gbayi,ama Site,ama baya,ama sokomu baya;yaka mengana Kilisito a ibomu no amati o bombi babomu. ¹² Ku bani,ndi uba Asobee a buchwa,inu badii bota tu,kutoneni no nipaakiya yo mati,bulo,nudisoniso,bu kpala,mutima wo tota. ¹³ Peyaneni amati eno,no,mungana ibyeni no yaka no mange,ipaanakiyeni.Kundi Kilisito a nipaakiya inu,ipaanakiyeni kuwo inu. ¹⁴ Yaka mengana akuu o yaka ibomu kutoneni no bukunda,uba ba mukpokpo aboya a bu tu. ¹⁵ No majiyo ko Kilisito,uka banisokiyo anika ako kiya ndutu mengana,ibiyo ngama a mitima ngiya yeno.No biyeni no nimbiya. 6 Yaka ngiyo Kilisito ibiyo amati eno muja;hateni nimbiya no pananakiyeni ingbaa ako mambo,lita,mambo ko baya,ako suwiya Asobee a mitima ngiya yeno asi o nipaakiya. ¹⁷ No gutu ta no kiya a monu kundi no mukyananakiya,kiyeni ibomu ako ino yo Muheiso Yeso,nobiyeni ako tosiyo ingbaa ako iyo Asobee Abaa ubiba. Boyi,biyeni asi o mpanu nguko baguwe nguba beno,kundi yekatao Muheiso. ¹⁹ Baguwe,kundeni boyi beno,nati pananiso komu bukabukayi akuu ebo. ²⁰ Bana,biyeni asi o mapanu nguko buga nguba bani nota,do iye neni yelo amati o Muheiso. ²¹ Babaa,nati gbinjanisa komu bana beno,do bati kwo komu bumotimoti. ²² Babaya,biyeni asi o mapanu ako yaka ibomu ako ba ngama nguba beno ako ndutu,sokomu ta a mesu kebo,ndi nibiyo ako nikataa bombi,yaka mengana no nudisoniso a mutima,amati o kumo Muheiso. ²³ Ibomu ngiye nakiya,kiyeni no mutima wo tolo ndi nakiiya Muheiso,sokomu bombi, ²⁴ No biyeni a nimbiya bo neniya sina ati Muheiso no mugyendo wo mabii ndi mukaya.Kyananakiyeni Kilisito Muheiso. ²⁵ Do iya a kyananaka bayege eniya sina no mukaya ku woto yege,no mombi ango baya.