¹ Polo,mukpata wo Yeso-Kilisito no manye o Timoteyo, ² ako ubo ta tu no ba manye bo ingono ubo Kilisito uba ba ano Kolosayi,nipaakiya no majiyo kini njoniyo aningwa ati Asobee Abaa ngiya eso!Tato majiyo ati Asobee, ³ Abaa ngiyo Muheiso nguwa weso Yeso-Kilisito iya tango siya nayo ako nita akuu eno, ⁴ iye toka jene isawu yo baya ngiye yeno ako Yeso-Kilisito no bukunda ako uba ba tu, ⁵ ako itunguyo iye ya nesu ako betaka akuu o bisi,no upanu wo ingono,isawu ye telo bani paniya jene peyi. ⁶ A amati eno,no amati o dodo mubomu;ako nota masoo,anisa akiya bukuu,kundi ya bani amati eno,a ningwa no bisi nguba noka jeneoo no nimbiya majiyo ko Asobee akpatanakiya no ingono, ⁷ a kptanakiya no mapanu nguka na kuka jene ati Epafalasi,adii eso o bukunda iyo teya,iya a ndeno mombi o teya o Kilisito, ⁸ no iya ati paniya bukunda nga beno tane Mutima wa nenu a nungiya. ⁹ Ako yaka ngiye neni isu,a ningwa no bisi nguba toka jeneoo,tangomu ako siya nenu ako nitiya Asobee,no nita bo huweni no nimbiya yo bukunda bango,amati o nimbimbyanaka no nimbiya iyo mutima, ¹⁰ a kyendaka a bu ngbingbii ubo Muheiso no ako biyo nayo ani kataa mubomu,no nota masoo koto manjanja mugbe ibomu no kiya bukuu ako nimbiya Asobee. ¹¹ nopateni angu lingbaa libomu no angu ngiya ango o ubiba,do biyeni tano igyagya a betakiya no mutima wo tota. ¹² Bibiseni Abaa,iya ati kiso bana bo mugyendo wo mabee wota tu a mati o uwanga, ¹³ iya ati heiso ako angu ngiya o umwomwo no osa nesu a bungama bo Mwana iyo bukunda bango, ¹⁴ amati ango tano buheya,nipaakiya bubibi. ¹⁵ A iseseniyo yo Asobee iya tango mina,tapiyo iyo bombi nguba abu tuwo. ¹⁶ Do amati ango likyemu libomu ile la akuu no ako dodo,iye ya niniya no iye yangomu aniniya,kiti o bungama,ubiba,tawala,angu.Ibomu ya tuwoniyo nayo no ako iyo. ¹⁷ A apeyi o yaka ibomu,no yaka ibomu ya amati ango. ¹⁸ A mutu wo ndutu iye yo kanisa;a mupunganiya,tapiyo amati uba basiyo,do ibiyo peyi ako yaka ibomu. ¹⁹ Do Asobee akunda bo likyemu libomu libiyo amati o ango; ²⁰ a baya bo ako iyo babomu bukana nayo mukinyongo,iye ya iyani a dodo no akuu o bisi. ²¹ No inu,uba nabiyo jene babika no ba muyaa ingbaa ako litungiyo no mukyananakiya,a nukaniso, ²² ingbaa ako ingwo amati o ndutu,nenu ako chweiso apeyi ango bo tuu,sokomuno petanaka,no gugaka, ²³ ilo do na batuboke,bemahe amati o baya,sokomu no kanga a nambamba a itunguyo yo isawu ye telo ngiye noka jene,iye ba paniya jene mombi mubomu,no imi polo bana a nimaya. ²⁴ Nokwo igyagya itakitaki ngiye amati o bukabukayi akuu eno,no iye yo tukoo a bukabukaye ubo Kilisito,nayi pipo ano ndutu,iye yakanisa. ²⁵ Ako yaka yango iye nemaiya akpataniya no bubuto nguba Asobee a nenjo a nambamba eno,no nibiyakiya bwau isawu yo Asobee, ²⁶ yaka yete mbange iye ya inabe aningwa jene no a mago mabomu,yaka mengana,iye ayi bonokiyo bombi bota tu ngubo bango, ²⁷ aki Asobee abiyo akunda nimbiiso likyemu lo ubiba nga leno tane no yaka yete mbange amati o uba babaya komu,uboba:Kilisito a mati eno,itunguyo yo ubiba. ²⁸ Iyo tako biyakiya isawu ngiye yango,tobiya kila mombi bo no nimbimbyanaka,do i pana mombi mubomu ati Asobee,rkeni bongwa amati o yeso. ²⁹ Iye nakiya teya aniwa agbanga no angu,iya akiya teya amati a semi.