¹ Mujee,ano Gausi,iya bukunda nogbe,iya namu kunda no ingono. ² Ayoo,nakunda bo kiya bukuu lingbaa libomu no wobiyo ndutu ilo kundi mutima nguwo soo wakiya bukuu. ³ Nakwa pungo igyagya,iye bana banu beka pungo aninjo uduba wotolo ako ingono ngiye ya amati asoo,namuna ngiya wa kyendaka amati o ingono. ⁴ Igyagya yakyo na kiya nogbe anuka bo haha bosemi bakyendaka amati o bungbingbii. ⁵ Ayoo,wakyananaka ilo ako yaka ngiye wakiya akuu o banabanu,gutu ta uba bababika, ⁶ Bachwape uduba wotolo akuu asoo apeyi o Kanisa.Bukiya ilo a tambanaka kyenda ngiye yebo apeyi o Asobee. ⁷ Do basape inani ako ino yo Yesu Kilisito,sokomo biniya no ikyemu alikondo lo ba pagano. ⁸ Tosisekiyo a teteya bombi ndi ubo nani,do bibiyo bombi bo teya iho nabo ako ingono. ⁹ Natendakia pe mabiyo ako Kanisa,yaka mengana Diotelefe iya akunda biyo mombi o peyi amati ebo,oti teteyo komu. ¹⁰ Kubani,no nineni penge,Nani tunguwo penge mukyananakiya uwa akiya,nesu ako nungakiya yaka yeta bibi,sokomu nokwa igyagya,oyaa teteya banduku,uba bakunda kiya,obu nangyo no obu kponyo amati o Kanisa. ¹¹ Ayoo,wati kpatanakiya komu bubibi,bulo njoo.Mombi ngiya akiya bulo amati o Asobee,iya akiya bubibi angena komu Asobee. ¹² Babomu,no ingono,banichwa uduba ulo akuu o Demeteliusi;gutu ta isu,taku no uduba wotolo wango,wanimbiya bo uduba uweso wo ingono. ¹³ Nano yaka ija nowe ako tindakiya,nango kiya komu no babiyo no yata yo kobo. ¹⁴ Nano baya bo nanena suwo,no ta yakanaka suwo monu ako monu.Majiyo kibiyo iho nowe!Banduku bona bokuwo.Bokuwo kuwo banduku,muto muto.