v 4 Seelei matuati monda na Mbali nakulukisie, seelei. ⁵ Wetoo wino wakokola, kayewekane na wea ewati. Mbali aika iyiye. ⁶ Nango kotina cheena, lakini mo mendiete boesi kulu kino ka Mbali na maombi yako ikilikanisa, nakotelea Mbali. ⁷ Gue a Mbali, nga aeta akili ito akongbela wetoo wino na mawazo ino ka yesu klistu. ⁸ mendi ya siya, wana wan'na, eti ya kokola, eti ya kosomaka, eti yaika mongo, yaika ilongo, eti ya kowezekana koyakoa, eti ya koeta ilongo na kobebeka aika o mawazo ino. ⁹ Mendi woyowile, wopatile na koingba ekani, na njo woseile ekani, etomikisi. Mbali a gue akoikano. ¹⁰ Nasea fula mokili monda na Mbali, mo mendi woweza mokolukisa mawazo ino ilongo, lakini cheena chonopucha. ¹¹ Tanda mokosama kani, ngo naowa mbo, mendi ate wa m'baesa koika na toa mo hali ya naika. ¹² Nayewa koika mokoseeka, nayewa koiko olombia moeti aenaati, nayewa koikota na koika na nja, koika na weena na koika mo okesefu, ¹³ Natokoeta eti mo mea akompa okpala. ¹⁴ Woeti ilongo mokonjokea saa a malea. ¹⁵ Woyewa winowene, wa FILIP, wakati mokati a Mbali anja wakati naya MAKADONIA, numba ya Mbali nayamoti yakanjakoile mo njo waokoanga na kopokea. ¹⁶ Woikile winowene mo koeeta,wontamile mo TESALONIKAmengo ibe, weena wako engamane o mokambo ani. ¹⁷ Ntaengoeli cheena, lakini naika mokoengoa weuma wa kooka monda ino. ¹⁸ Napata eweti, ka naika na weena, weena wankameleile, mokopata mo EPAFRODITE yakotoka ekino mba malasi akokola imupa, sadaka Mbali ayakoa, nakosama. ¹⁹ Ka Mbali akonkandolea ngea o mekambo yanieti, mo olombia wande na chombo a yesu klistu. ²⁰ Ka Mbali isetu, kolomba kande mopaka mwiso a chese embo (amen). ²¹ Ise isamba, weye ewati wa chetoo ilongo monda na yesu klistu. wana wa ise mbo wai kokile nani wanosesea. ²² Weya wakokola chetoo ewati wanosesea, na weya wa numba wa kaisala. ²³ Chombo a Mbali ito na yesu klistu aike mo wetoo ino.