¹ Polo, na Silive, na Timoteo mo kanisa ka wa Tesalonika kaika ka Mmbali ise na monda na yesu ijiye; chombo chombo na phio kanosange. ² Tano tomea matuati chombo cha Mmbali mo wino ewati, nango konoebha onaombi ito. ³ kolukisia nango koena mokambo koyakoa kino mo chetoo mokambo a kosamana kino, na koimanea kosebhelea kino ka ijije yesu klisto mpanja na Mmbali isetu. ⁴ Tayowa ate, wana wa ise Mmbali ate wano sonile. ⁵ Maloba ito ata nosangile na kama, alakini na okpala, na chetoo chako dyea, na osebheleo eweti; mendi ate atoebhile ate taibhasea mo nkati ino, mendi ino. ⁶ Ka wino wene, woikile wea wa kobhangelia na wea wa Mmbali, mokoyokoa mendi mo nkati na obhaya yakoula na ome la chetoo cha kokola. ⁷ Mo mmbo wotuluka chebhengeleo mo wea ewati wa MAKEDONIAna AKAI. ⁸ Ntande, mo mmbo, kolengena ka ijije ka nosanga ko MAKEDONIA na AKAI, alakini koyakoa mendiya Mmbali kaibhaesa aena eti, namuna tatakoeza koelengena. ⁹ Mendi ate waika mokotonda mendi ito mo eniingea taya kokulumana ino ka oni namuna oyokoitulua ka Mmbali, mokoleka mesilo na kotomekea Mmbali mea aika kaliti. ¹⁰ Ka mo kolendea mande kotoka kiyo, mea amookoile mo bhiako, yesu, mea atokandoa mo osongo waikamokowa.